馬國明孖湯洛雯為愛貓慶祝3歲生日　背心Look勁大隻騷「老鼠仔」

視帝馬國明（馬明）與老婆湯洛雯（靚湯）去年12月在泰國蘇梅島舉行婚禮，正式拉埋天窗！新婚不久的他們雖然未有仔女，但就養了一對愛貓Tino同Ariel，近日愛貓Tino迎來3歲生日，靚湯同馬明特別在家中為牠舉行生日Party，今日（16日）靚湯在IG分享生日會靚相，並以英文寫道：「我們的小寶貝Tino昨天過了牠的3歲生日派對，非常感謝所有來和牠一起慶生的姐姐！我們只希望你健康快樂成長！愛你，我的TinTin Boy和Ariel BB女！」

相中所見，兩人準備了蛋糕及氣球裝飾，還邀請了幾位好友出席生日會，而靚湯同馬明分別抱住貓仔Tino同貓女Ariel影「全家福」，兩人更頭貼頭合照，相當溫馨！網民紛紛留言送上祝福，當中亦有不少人留意到身穿白色背心的馬明大隻了不少，尤其是手臂肌肉特別強勁：「馬生好大隻呀」、「馬明隻老鼠仔咁大嘅」、「馬明手瓜起𦟌」！