【港姐2018】陳苑澄望「Kiki Challenge」風波平息：已經移除條片
撰文：林迅景
出版：更新：
尋日（15日）陳苑澄（Tania）喊晒咁講對唔佳。（陳順禎攝）
《香港小姐2018競選》8月26日就開Show，各位佳麗除了出席日常宣傳活動和到TVB上堂之外，更要抽時間排練比賽時的「才藝表演」的部份，可謂是相當忙碌。說到「才藝表演」，其中最有台上表演經驗的，好可能就前As One成員15號陳苑澄（Tania 前名Nata），唱歌跳舞甚至藝街體操真係樣樣都掂。不過早前陳苑澄就因為拍攝「Kiki Challenge」一事，被網民鬧爆。事件最後更驚動到監製何小慧 ，日前（15日）陳苑澄出席活動時更對住鏡頭喊晒口講「對唔住」。
今日陳苑澄出席活動時心情就平復返好多。（葉志明攝）
陳苑澄就因為「Kiki Challenge」俾網民鬧得好勁。（網上圖片）
陳苑澄出席2018香港小姐珠寶首飾試戴會時，就事情再一次道歉：「對於網上所有post我都會多加小心，以後都係。希望慢慢平息呢個風波，專心返喺個比賽上面。今朝小慧姐已經叫我刪咗條短片，我都已經移除咗條片。公司俾我哋（社交平台上）自由度其實好大，但係呢個行為係一個壞榜樣，所以對於形象，除咗自己，亦都對公司都有受損。宜家係一個反省階段，希望大家Focus返喺比賽上面。」
對於「Kiki Challenge」中跳的絲帶舞，原來也是她考慮在「才藝表演」表演的項目之一。她在訪問中也表示自己為了比賽當日的「才藝表演」，也時不時會到排舞室練習。「因為我以前係香港隊，但係到時要上台，其實都要編排嘅。正式（26號）才藝表演就未confirm嘅，但係聽日（17日）嗰個才藝表演就係絲帶舞。」
陳苑澄透露聽日都係表演絲帶舞。（葉志明攝）
+1