《全民造星》姜濤拍廣告賣萌　ETUDE HOUSE睇中姜B似韓星？

《全民造星》在10月中才選完，大熱姜濤就眾望所歸得到第一位拎走一百萬，成為冠軍。在勝出後短短11日，今日韓國化妝品牌ETUDE HOUSE就宣佈同《全民造星》的姜濤、Ian、Frankie等人氣新星合作，今次更成為姜濤等人正式出道後的首個廣告。相信各位「姜糖」都會心心眼，因為大家的「姜B」竟然騷肌啊！

姜濤在今次的韓國化妝品牌廣告中就有如韓星一樣大展魅力，見到只有19歲「姜B」在相入面大騷胸肌，穿上黃白色間條裇衫大方地展示出自己的胸肌。各位「姜糖」見到拎坐黃色玫瑰花的姜濤又怎可以不心動呢？姜濤就笑言自己很後悔未有好好去練幾舊腹肌出來，尷尬地表示自己露了很多。不過一班「姜糖」都一定不會介意姜濤再露多一點啊！

近年香港的新生代歌手對比起韓國偶像歌手而言，年紀都比較大。年紀輕輕的姜濤在《全民造星》中就好似時下的韓星一樣派心心、放電眼，仲要係現時少有的「小鮮肉」，所以就引得一班粉絲十分開心。姜濤就好似韓星一樣擁有自己的粉絲名「姜糖」，令一班粉絲更有團聚力，更落力去支持偶像。有不少網民都去到姜濤的Instagram留言，但反應就十分有趣，笑指這是一個「濤」色陷阱：「姨姨幫你扣返啲鈕。唔好再露啦。唔啱你」、「露肉部份都係交返俾苦行憎fatboy負責...你出大頭已經好好」。難得香港可以出到一位又年輕、又有潛力的新生代偶像，廣告商又點會放過呢？