【火速救兵】3月拍十號風球畫面超凍 周祉君:一嗌Cut機全身震晒

撰文:秦志鴻
出版:更新:

由香港電台電視聯合消防處打造、最近被香港網民熱烈討論的劇集《火速救兵IV》在最新一集又有新突破!第一個單元「火伴」(共兩集)無論是製作或劇本都大獲觀眾好評,經過火場的洗禮後,第二單元「生死時刻」,故事來到十號風球下消防員在山泥傾瀉、洪水湧現之下的救拯過程,為之前兩集降降火氣。

在人造十號風球底下已經又濕又凍,更何況真實消防員在真正的惡劣環境下工作有多艱苦?(香港電台)

3月打十號風球凍到震

為求畫面的真實感,《火》劇決定自制十號風球場景,利用水泵車以及樓高一層的吹風機去營造十號風球的效果,但卻苦了一班演員,因為拍攝之時,是乍暖還寒的3月。「真係好似十號風球咁大風大雨,好勁,好大,真係好凍!」

劇中飾演高級消防隊長馬惠民的周祉君受訪時憶述:「其實我拍嗰日已經係着咗Wet Suit㗎喇!因為前一日岑珈其同張蔓姿拍嘅時候已經有經驗,話真係好凍!到我拍嗰日傍晚6點鐘開始拍到第二朝7點,九成嘅時間都係濕身,我同黃溢濠真係凍到一Cut機就震,但Roll機就要hold住,因為要講對白,我都算好啲,第二日無事開到工,但黃溢濠拍完之後嗰日就病咗。」

【專訪】周祉君開舖唔問女友廖子妤意見:男人嘅嘢使鬼問女人咩!

這是當晚「微雨」的級數,周祉君描述拍攝「十號風球」時的水量大概是圖片的4至5倍灑水量,要加上一層樓高的巨型風機、3月份晚的陰涼天、以及北潭涌此偏遠地區的拍攝場地,環境非常惡劣。(受訪者提供)

演員保暖有妙法:穿Wet Suit再包保鮮紙

其實演員要保暖有很多方法,例如可以貼暖包,穿保暖內衣等等,由於今次要全程濕身拍攝十號風球場面,保暖內衣和暖包都即時失效,周祉君教路可以穿wet suit和包保鮮紙保暖。

Wet Suit其實是指潛水、滑浪會穿的那種既緊身又滑水兼有保暖效果的衣服:「原本我哋都係着晒Wet Suit,到場時啲工作人員都問我哋要唔要包保鮮紙,啱啱開始拍嘅時候我見都係微微雨咁,就唔打算包,點知估風機一出,要拍狂風大雨嘅時候真係好凍!不過最辛苦嘅都唔係我哋。」

【最熟悉的陌生人.專訪】周祉君透過外傭尋憶:知道自己錯過什麼

今集講述一班消防員在十號風球底下去拯救兩名失蹤被困人士,可惜中途一隊消防員又發生意外需要救援,最後還要出動由王喜和袁富華飾演的高空拯救專隊和攀山拯救專隊支援拯救行動。

真消防員撐場超捱得!

「最犀利係陪我哋一齊拍嗰啲真正嘅消防員!」周祉君說:「我哋一班演員個個着晒Wet Suit都嗌凍到飛起,但陪我哋一齊拍嘅一班真嘅消防員無着,你諗吓會有幾凍!」其實真實的消防員在執勤的時候並不會穿上Wet Suit,無論環境有多惡劣都一樣迎難而上。當日排攝的13小時中與劇組一起淋雨一起吹風,幾位消防員的專業既是值得佩服,但最令人驚訝的是,周祉君透露:「拍拍下有幾個仲要走返去當更!」

王喜會在今個單元登場,劇中他還有繩王的稱號!(香港電台)
陳鍵鋒在上集尾段已經以救護員身份登場,而今集卻以另一個角色出現,逮屬坍塌搜救專隊。(香港電台)
+4