【發洩擂台】粗口橫飛網友撐真性情 林曉峰:發洩係唔會哈哈咁笑

撰文:李文偉
出版:更新:
《發洩擂台》首播撞正大台台慶,大家又有否留意到新節目?(網上截圖)

香港人壓力指數爆煲,根據最新統計在全球「名列前茅」排名第五,每位港人都積落不少怨氣。ViuTV新節目《GOOD NIGHT SHOW 發洩擂台》選在打工仔怨氣最重的星期一首播,節目由「獎老」林曉峰(阿Lo)夥拍陳俞希(Hailey)以及小占主持,挑戰者將上陣玩多個破壞性的遊戲,挑戰者更展露真性情粗口橫飛!

節目由小占、阿Lo及Hailey主持

網上睇足本版

雖然節目在晚上九時四十五分播放,但仍受電視尺度所限,到挑戰者「情到濃時」大家只會聽到小占的「HI你個BYE」聲音處理,未必夠過癮。若然各位想有最徹底的「感觀享受」,可以到官方網站或手機Apps睇足本版,完整呈現挑戰者的嘶聲尖叫。
 

留意返,足料版字幕唔會有粗口(網上截圖)

首集請來冷氣學徒肥仔健以及冷氣師傅阿狼亮相,人選經過面試安排有心思,二人先後挑戰反枱、飛身撞牆、更要鬥大聲用氣勢驅動「咆哮戰車」,但到最後要爬上紙箱山爭獎金,兩位挑戰者才有機會硬碰硬,阿狼狠狠地將領先的肥仔健拉落山,充滿火藥味。
 

+2

Hailey:主持都要爆粗

而肥仔健挑戰「谷爆發洩拳」時,在阿Lo指示下爆出「四字真言」,即時多出幾分力氣越戰越勇!一班主持人為求令挑戰者全力以赴,連自己都要爆粗,Hailey搞笑指自己對粗口免疫,不過奉旨在鏡頭前爆粗都是首次,聽到挑戰者講身體器官依然唔習慣,提到挑戰者在節目中「原形畢露」,Hailey都戥挑戰者擔心:「始終要打工喎!盡量唔好開名或者用化名啦。」

Hailey都有爆粗,要留意足本版聽唔聽到佢罵乜

林曉峰撐真性情

而前「獎老」阿Lo更會座鎮派獎金環節,挑戰者嬴過對手後最後仍要過他最後一關,才能抱走將近十萬獎金,到最後後仍有機會一舖清袋!對於拍檔Hailey指他在節目中爆粗,他否認是節目效果,笑稱:「大家發洩都唔會哈哈咁笑啦!最緊要係藝人適唔適合呢個形象,令到觀眾開心做到真發洩,始終觀眾睇嘅嘢多咗,要求都唔同。」問阿Lo有否聽到一連串的粗口?他說:「其實粗口得五個字,都係門字加個小、西之類,廣東話係博大精深,啲挑戰者用得好妙。」

阿Lo加入ViuTV後首個節目,直認有壓力(電視截圖)

阿Lo又指發洩渠道有好多,不應只在網上做鍵盤戰士:「最開心係啲挑戰者玩完成晚,話節目真係發洩到,打爛仲有人執番,真係好治癒!其實我都有壓力,剛剛加入新公司,係抱住就嚟做唔到嘅心情,希望大家多多支持啦!」

最後都要溫馨提示,若然你聽到粗口會打冷震,都係建議追返電視版。