【Chill Club】硬撼《流行經典50年》　趙學而：勝在我夠靚

趙學而、羅敏莊今日（13/4）現身九龍灣為ViuTV音樂節目《Chill Club》錄影擔任節目主持。提到與無綫《流行經典50年》兩者製作不同之處，學而笑指自己勝在夠靚又夠瘦：「其實喺我哋嘅節目播出之後，不論幕後又或者我哋嘅主持人，都會喺網上平台同網民互動，基本上喺每集出完街之後，有啲咩地方需要改進？有啲咩歌曲佢哋都想聽?又或者想咩嘉賓到台亮?我哋都會有一個即時嘅反應，咁變咗我覺得呢樣，對我哋呢一輩嘅歌手嚟講，係一樣幾新又好玩嘅地方。」香港在疫情衝擊下，各行各業備受影響，羅敏莊希望港府應盡一切可行方法措施援助各業界渡過難關。