歐陽震華重拍21年前舊劇　再扮財神：我未知呀　　

無綫今日在酒店舉行「晒冷」活動，宣佈明年電影、電視的開拍計劃，幾乎所有電影界老闆都有出席，當然亦有超過100位的藝員來撐場，電影方面將會開拍《城市獵人》國產版，黃曉明將會飾演孟波，而今年票房有7億的《使徒行者》電影版，亦會開拍第二集《逆行天地》，加上開拍中的《使徒行者2》電視版，直頭將《使徒行者》物盡其用。

電視方面就重拍95年劇集《天降財神》，當年男主角歐陽震華今日亦有出席活動，但他自己都不知道會重拍，他說：「我頭先坐喺到。先知重拍，祥仔（黎耀祥）仲問我重拍咩？我都話唔知，我記得好似95年喇！嘩！21年喇，我未知呀，不過下年過咗新年就會拍套慶祝50週年嘅劇，講我同陳豪、張繼聰三兄弟嘅故事，再加埋田蕊妮囉。陳維冠監制，（咁似《創世紀》又係三兄弟？）唔知喎，聽過下個故事以銀行做背景，講三個人嘅成長。」

在「晒冷」酒會中，大部分都係老闆級人物發言，播片說未來大計，除了歐陽震華外，黃宗澤原來都係重點力捧，除了拍《溏心風暴3》做男一外，亦會和苗僑偉一齊拍《飛虎極戰》，他說：「拍咗《溏心》先，之後再拍《飛虎極戰》啩？其實我都唔係太清楚，我啱啱喺大陸先返嚟，（《溏心》男一喎？）夏雨哥先係男一，我有份參與已經好開心喇，（好多人羡慕你同劉佩玥多親熱戲喎？）下！乜佢係女神咩？喂！我唔知喎⋯⋯不過佢係辛苦嘅，第一次拍呢啲戲，嗰心理準備要好足夠，都知有好多人對呢套劇有意見，咁咪好囉，我相信公司亦會參考下大家嘅意見。」

過百位藝員，有近30位，坐足成個鐘，最後先上台影大合照，但辛苦的是另外70位，因為大會為製造驚喜，30位藝員（好多都是一綫）和大老闆合照後，另外70多位，再在他們身後現身，為了這一下「surprise 」，這70多位藝員在全密封情況下企了超過一小時，台前發生任何事都不知。十足「困𨋢」一樣。