王君馨認同無綫有約在身難殺入影圈：搵你拍戲嘅人係會少啲
撰文：吳子生
出版：更新：
王君馨（Grace）自2021年年尾約滿無綫（TVB）離巢後，便無約一身輕，更北上參加內地真人騷《了不起舞社》，舞功了得的她令人眼前一亮，在內地人氣爆升，工作因而接踵而來，更獲得甄子丹賞識點名要人，參演由他監製的電影《天龍八部之喬峰傳》，正式從「公仔箱」殺入電影圈。不過Grace並未因此而自滿，仍不斷作出新嘗試，轉型做歌手的她近日更推出舞曲《Light lt up》，落手落腳參與MV製作。
Grace近年轉型做埋歌手。（陳順禎攝）
今日（8/4）Grace 現身尖沙咀出席好友胡曦文旗下法國著名鐘錶品牌「Crisathena」新店開幕禮接受《香港01》訪問說：「其實今年我係想專注喺音樂上，因為始終自己做獨立歌手，好多嘢都要自己做，變咗我係要用多咗時間同心機嘅。（同無綫冇合約，在電影圈容易發展？）可能如果冇大公司綁住，變咗可能會容易啲傾。以前同無綫有約在身，的而且確搵你拍戲嘅人係會少啲。而家同無綫冇關係，我係可以直接同嗰套電影嘅導演傾吓個劇本同角色，我係好鍾意呢種佢又覺得我啱做，而我又想做，變咗大家就好夾成件事。」
今日Grace 現身尖沙咀出席好友胡曦文旗下法國著名鐘錶品牌「Crisathena」新店開幕禮。（陳順禎攝）
現場星光熠熠。（陳順禎攝）