劉錫賢自爆做星級導師開班教學推銷？　「宜家搞緊啲有前景嘅嘢」

今日（19/4）劉錫賢現身觀塘出席開幕禮，他的另一半亦一同現身，去年11月他在社交媒體上以「老婆」稱呼對方，不過他就表示兩人仍未結婚。今日他在接受《香港01》訪問時透露現時工作繁忙，加上另一半成為自己的助理，因此婚禮仍然籌備中：「都要搵一個好嘅時機，始終結婚呢件事都要啲時間去籌備，一有好消息一定會通知大家。」

自從中港兩地通關後，不少香港藝人都會北上發展，劉錫賢亦不例外：「我聽日（20/4）就要返內地拍電影，係一套武打電影，我會做一個教人功夫嘅隱世大師。」除了演藝事業，劉錫賢還打算開拓新領域：「我宜家搞緊啲有前景嘅嘢，我哋將會訓練一班帶貨直播主（即係做老闆？ ）唔係我係做導師，我後面有個老闆，我主要會教佢哋說話技巧，你知道啦，個個開住個手機就可以做直播，所以我宜家要教佢哋點樣可以令啲觀眾睇得開心，令佢哋開心之餘仲會買你嘅貨，我係主要訓練佢哋嘅說話技巧（所以你嘅學徒係明星？ ）乜嘢人都有，有素人，亦都有知名嘅人士。」不過詳細內容劉錫賢大賣關子，不願意透露更多。