陸永開大食會與Bob切燒豬 網民話靚老婆Reina太瘦:食多啲嘢啦
撰文:鄧穎琪
出版:更新:
陸永的老婆Reina出名靚女,顏值勝過不少藝人。近年她甚少使用IG,不過她上月底開始就重返IG,日前更指自己失蹤得太耐,要貼近照。照片中她與林盛斌太太、容羨媛等預祝母親節,網民指久未露面的Reina消瘦不少,瘦到唔同樣,更叮囑她食多啲嘢。
陸永與老婆Reina結婚12年,育有兩個囡囡Hannah和Simsim,一家四口幸福美滿。32歲的Reina擁有藝人級美貌,即使已生過兩女,但外貌和身型皆少女感十足。以往Reina不時在Instagram分享一家四口的生活點滴,亦有自拍照等,但近幾年一家都漸趨低調,有指其中一個原因是女兒逐漸長大,不想一舉一動都曝光於公開的社交媒體。
以往Reina經常貼一家人的生活照,但近年已轉趨低調,這張相已是5、6年前。(IG@6wing_fama)
早前Reina被指已轉戰小紅書,疑似放棄IG,但自4月底她卻重返IG,更新得頗勤力,主要以寵物照為主。不過,日前她就指:「失蹤得太耐,我要現身了」終於肯貼出近照!Reina與林盛斌(Bob)老婆Pearl、容羨媛及兩位圈外好友都是媽媽級,五人食好嘢預祝母親節,Reina靚女依然,但樣貌似乎有點不同,有網民就指她瘦到唔同樣,留言:「瘦到差啲認唔到」「你越嚟越瘦咁嘅,塊面尖晒」更叫她多吃一點。
網民指Reina(左下)瘦到唔同樣。(IG@missussixx)
五位媽媽其實都攜眷出席,帶埋小朋友超熱鬧,有成20人!一頭長髮的陸永、Bob與幾位男士齊齊切乳豬,從大合照所見,陸永大女Hannah更已經高過媽咪。
從大合照所見,大食會共有20人,左上就是陸永一家,大女Hannah(上排左四)已經高過媽咪Reina(上排左一)啦!(IG@jimmyyuen)
陸永(左一)、Bob(右一)及三位男士齊齊切燒豬。(IG@codybabe)
按圖睇更多陸永和Reina的放閃相:
+4