全民造星5｜陳柏宇做評判「唱反調」 網民勁唔Buy入侵IG洗版狂鬧
撰文：徐梓皓
出版：更新：
ViuTV真人選秀節目《全民造星V》正式進入40強，當中的戰況亦變得愈來愈激烈，每一隊參賽隊伍都為大家帶來精彩絕倫的表演，昨日（20/6）一集蕾安C組把利用周星馳經曲對白結合舞蹈作為表演，令評判湯駿業同當奴大讚，不過同為的評判陳柏宇（Jason）就認為：「講故事部分，我又唔覺得有一個完整嘅故事，當然拎星爺經典對白去做一件事，都幾interesting，但去到呢個位就完，一啲都唔差，但未去到我覺得好突出。」
蕾安C組把周星馳經曲對白結合舞蹈作為表演。（節目截圖）
Jason認為表演有趣。（節目截圖）
不過就唔夠吸引。（節目截圖）
Jason的評論中英夾雜，加上與其他評判「唱反調」，令網民不滿。（節目截圖）
而Fung莎B組的表演內容以婚外情對子女的影響為題，同樣令湯駿業同當奴相當滿意，不過Jason卻認為：「好多人同時間喺同一空間搶FO。」等等的「唱反式評論」惹網民反感，紛紛在Jason的社交平台留言表示：「其實你做評判啫，唔使講咁多英文嘅，你又唔係外國人」、「建議下次請你都唔好去做評審」、「個個都畀你評到一文不值」，不過亦有網民力撐：「又唔覺得佢態度有問題，feel到佢好直接同認真評論」、「我覺得佢好負責，好認真，佢只是搵位改善表演，係良性批評」。
點擊下圖睇下網民的評論：
+2