非常檢控觀｜陳曉華開工血糖低險暈倒 陳煒出手相助：買飲品俾我
撰文：吳子生
出版：更新：
陳曉華（Hera）昨晚（6/7）現身淺水灣為無綫新劇《非常檢控觀》開工拍攝。Hera透露早前開工期間，突然頭暈手心冒汗，出身發軟差點暈到，幸好有同劇演員發現前來協助：「可能近來工作比較忙，加上前一晚可能瞓得唔好，又唔夠瞓，嗰日開工嘅時候雖然食咗啲嘢，但做做吓嘢嘅時候，突然之間手軟腳軟見頭暈，兩隻手係咁出冷汗，之後同劇嘅煒哥（陳煒）察覺到我有啲唔妥，面有難色，於是佢就買咗有糖分嘅飲品俾我飲，飲咗之後我成個人好咗好多，咁所以我好肯家自己可能係血糖過低造成。變咗我而家都會袋定啲糖喺身邊，萬一又見暈嘅時候，我就可以隨時攞粒糖嚟食，補充糖分。」
陳曉華今晚為無綫新劇《非常檢控觀》開工。（陳順禎攝）
陳曉華早前開工因血糖低差點暈倒。（陳順禎攝）