鄭伊健不需再喬裝　孖住蒙嘉慧光明正大睇戲

鄭伊健晚上於鴨脷洲為MCL海怡戲院開幕禮擔任特別嘉賓，身為《變種特攻》系列粉絲的他更獲大會贈送全球限量版「狼人」的手爪紀念品。

伊健直言自己熱愛睇戲，任何電影都會看，而平時亦會相約一班好友包場去睇戲：「一齊睇會開心一點。(你請？)當然不是，我們會夾錢。」居住在南區的他透露現時睇戲非常方便：「我知道今次戲院首度引入『無機房』設計，減少戲院所需建築面積，從而做到區區有戲院。」

問到與太太蒙嘉慧會否喬裝睇戲？他笑言：「不用。現在比較少人影，而且我們睇戲一定是好早或者好夜睇。」伊健坦言現時香港電影種類甚多，最希望可以拍攝一些漫畫作品：「自己平時看漫畫都會覺得，有些如果轉變做電影鏡頭都蠻好看。」