高登瓊姐列7項毒男特質抱不平　馬國明︰大把人仲筍盤過我

TVB新劇《心理追兇Mind Hunter》今天舉行開鏡拜神儀式，一眾演員馬國明(馬明)、蔡思貝、楊明、楊秀惠、米雪等人齊齊出席，希望拍攝過程順利。

一早已是網民心目中「城中筍盤」的馬明，最近就被高登瓊姐列出他7項毒男特質，似乎為馬明抱不平，何以遲遲未找到另一半。馬明表示聽到朋友跟他講這件事：「但我之前未有接受過訪問講過類似的說話，但我不是所謂的筍盤啦，大把人仲筍盤過我。」

問到早前他在網上直播，疑似向好友唐詩詠表白，馬明表示無奈：「作為朋友，問到我鍾唔鍾意詩詠，我當然答鍾意啦，就算男仔都係，如果無好感都不會做得成朋友，這種喜歡是朋友的那種，我和詩詠都是好好朋友。」他笑言以為詩詠同洪永城甜甜蜜蜜，自己就不會再成為話題，但現在反而愈講愈勁，馬明表示無辦法。不過他都同意現時香港女仔比以前能幹，如果男生要搵到另一半，就要好好裝備自己。

楊明︰沒想過傷到見骨

另一邊廂，早前因拍電單車場面而受傷的楊明，今日也倚着拐仗出席拜神儀式，有不少演員如米雪姐、馬明及蔡思貝都有即場問候。楊明表示等傷口癒合，「傷了五天，再等多一星期就應該會埋口，現在也有戒口，盡量少食海鮮及牛肉，如果戒口戒得好，應該無咩大礙。」楊明回想事發經過都表示沒想過傷到見骨，不過現在無甚麼問題，加上有女友慰問及照顧，他笑言只是皮外傷。