馬國明投資有道趁低入手買樓：與續約無關係
撰文：郭敏玲
出版：更新：
馬國明（馬明）、黃智雯、劉佩玥（阿Moon）、胡鴻鈞、黃子恆與林凱恩（Iris）等演員出席新劇《降魔的》，原來「降魔的」意指會降魔的士，而馬明今次飾演一名有陰陽眼的的士司機，在戲內會接載「其他空間」的生物，他表示今次劇集不只有恐怖場面，還會有不同的感人故事。
一眾《降魔的》演員出席新劇造型記者會。(郭敏玲攝)
馬明笑言與黃智雯在劇中做情侶，希望之後可以借情侶檔搵下真銀。(郭敏玲攝)
講到馬明最近續約無綫，兼且入手逾二千萬太古城單位，細屋搬大屋，馬明回應時話：「買樓與續約沒有太大關係，其實一直都有打算買樓，但看不中心水。剛巧早前睇得中個單位，爸爸媽媽都好鐘意，而且又負擔得到，所以就入手。今次就真係好好彩，入手時樓市還在低位，而一個用後就開始回升。」馬明透露會將舊居放租，果然投資有道。
至於馬明細屋搬大屋，本來是「圈中筍盤」的他，升呢變成「鑽石王老五」，他又話買樓唔關筍唔筍盤事，「呢個世界大把筍盤啦，（但你升埋呢做鑽石王老五喎！）好細毅啫其實，真係咁啱趁低入手。」