【老表、畢業喇！】王祖藍做編劇自減戲份：套劇冇我都ok
撰文：林通賢
出版：更新：
《老表，畢業喇！》繼續有王祖藍、陳明恩、細細粒等，男女主角換上蔡少芬、郭晉安。（林通賢攝）
王祖藍在第三輯的《老表》，戲份會減少，不過他有信心，沒有他的《老表》一樣精彩。（林通賢攝）
《老表、畢業喇！》今日在電視城舉行記者會，不過三集的主腦王祖藍就表示這套劇，他的戲份不多，他說：「今次自己喺劇都係穿插下，因為我趕緊劇本，戲份唔想有咁多，想擺多啲時間喺劇本上，點解套劇咁趕呢，因為張繼聰太太大肚啦，王菀之又演唱會、萬綺文又唔做啦，我就要執過哂啲角色，但我有信心，套劇冇我都ok。」
今次故事圍繞教育，祖藍覺得近年大學發生很多事，所以有感而發，他說：「近年大學都發生好多事，所以想探討下，（有啲敏感嘅議題會唔會講？）我都驚㗎！因為大家依家好神經敏感，譬如出條《幕後玩家》宣傳片就俾人鬧爆，《衝上雲霄》又話我哋空姐感情無咁複雜，所以自己都有壓力㗎！不過有人講總好過無人講。」
劇中有不少基督徒，所以在今日拜神儀式進行期間，祖藍、郭晉安、蔡少芬等圍在一起禱告。（林通賢攝）
蔡少芬取代萬綺雯，為第三輯女主角，她希望拍劇時，亦能抽空陪小朋友。（林通賢攝）
王祖藍戲份少，新劇戲份集中在郭晉安、蔡少芬身上，原來Ada有4年未拍過無綫劇集，她說：「自己有4年冇返嚟，都好期待嘅，尤其係知道呢套劇頭兩輯都好成功啦，所以都想參與，不過又知道辛苦日子又嚟喇！老公又喺香港忙拍戲啦，變咗會少咗時間陪小朋友，睇下可唔可以星期六、日有時帶佢一齊返工，等佢睇下媽咪拍戲NG囉。」