《幕後玩家》又係變爭女劇 黃宗澤硬搶黃翠如

撰文:林通賢
出版:更新:
《幕後玩家》21集開始黃宗澤會越變越奸,再狂追黃翠如,相看他和劉佩玥的親熱場口的,就唯有翻看頭幾集了。
《幕後玩家》三位男主角都搶鏡,但男一始終是黃宗澤,尾段多戲爭視帝是常識。

台慶劇《幕後玩家》宣傳片係威係勢,講到三位男主角有錢有面兼有橋,似乎想製造三位成為公關界男神,結果套劇一開首大曬盬花,間中加插兩段「關公」意外,便當正三人是男神,掛羊頭之感好強烈。

不過到下個星期一(21日)開始,《幕》劇更索性連羊頭都費事掛。據知該劇不會再有公關情節,整套劇會轉為玩爭女,講黃宗澤因為母親(馮素波飾)之死,而性情大變,變得越來越奸,之後更會狂追有錢女黃翠如,亦即會同蕭正楠兄弟反目,是不是好吸引呢?這類爭產爭女故事一向係師奶就最愛,有望令平均收視23點,拉高多3、4點,至於之前張繼聰的追女仔金句都會慢慢消失。

據知劇情進入下半段後,三位公關男神,會陷入大台最拿手的多角戀中,其實黃翠如才是真的「幕後玩家」。劇情老套?係!不過大家咪又係坐定定睇囉!