明蝠俠踩入將軍澳倒數 拍《甜蜜蜜》20年後再臨舊地：係一個緣分
撰文：戴嘉達
出版：更新：
萬眾期待，「明蝠俠」終於現身，勁呀。（梁碧玲攝）
2016年要完結了，倒數迎接2017年是常識吧！黎明首次以樂壇新人「明蝠俠」身份到將軍澳出席倒數活動。他現身時現場簡直失控，粉絲尖叫到失聲，呢個新人真係好勁揪。「明蝠俠」出場表示同香港人一齊倒數好開心：「好多年前拍《甜蜜蜜》時，我係附近拍排籌買樓，眼見呢度由冇到有，今日再返嚟呢到，係一個緣分。」接著就倒數迎接新一年了，Happy New Year！
同場還有鄭俊弘及劉佩玥。鄭俊弘得知有機會與黎天王同場，表現勁興奮：「初時都唔知佢會嚟㗎！但後來證實咗，就覺得好難得，真係無乜幾可咁近距離同場。佢係我嘅兒時偶像，聽住佢啲歌成打長。」問到2017年有何願望，不免俗都與事業有關：「都係會將個重心擺返係音樂上面，做夕啲好歌。」
而劉佩玥在台上除了與張彥博合唱，仲獨唱了她好姊妹何雁詩的《愛需要勇氣》，她直呼緊張。倒數要在工作中度過，她表示：「我知道會同Leon同場，所以平時set曲髮嘅我，今日都要set返個直髮髮型，因為Leon嘅MV女主角多數都係長直髮，所以set呢個頭見佢。」力證自己係die hard fans。除此之外，劉佩玥的短期目標就係要減肥：「聖誕節同屋企人去咗台灣過，咁就食多咗少少嘢，所以要節制下。」
5！4！3！2！1！，同黎明倒數好幸福呀！（梁碧玲攝）
黎明祝大家新一年順利無比。（梁碧玲攝）
鄭俊弘的人氣堅係好勁，差啲壓過黎明㗎。（梁碧玲攝）
阿Moon繼續拍住細寶張彥博，一齊唱歌。