【美食博覽】一蚊優惠搶先睇　100粒燒賣、榴槤月餅食一世

接二連三的展覽活動，書展、動漫展，終於到美食博覽。8月11至15日舉行的美食博覽，以1蚊之選最吸睛。

第27屆美食博覽將於8月11至15日在會展舉行， 近1400個來自25個國家及地區的美食參展商參加。 克羅地亞、 芬蘭及冰島的公司更是首次參展。

鮑魚許願樹

美食博覽優惠多籮籮，當中以鮑魚優惠最心動，如安記海味就在開幕首日，在展場設三米高的「鮑魚許願樹」，首10位顧客只要將鮑魚福袋拋到樹上，成功拋上就可得30隻鮑魚。若拋上指定樹枝，更可獲168隻價值$7308的鮑魚，就算落在地上，都可獲12隻！

榴槤月餅「一蚊食一世」

主打榴槤月餅的醉榴香更推出「一蚊食一世」設巨型榴槤水晶月餅冰柱，首日首三位顧客可以$1玩遊戲，在30秒內成功從水晶箱內，取10個榴槤水晶皮月餅，即可免費一世食貓山皇榴槤冰皮月餅。每年只要憑領取券，就可到門市領取一盒榴槤冰皮月餅，食足一世！

3秒一蚊撈起乾果

而冠華食品果子廠有限公司，為慶祝公司成立57周年，會在博覽首日，舉行「靠一蚊撈起」活動。 首50名參加者只需付一蚊， 3秒內用筷子夾到的天然堅果及健康乾果，就可取走。

一蚊100粒燒賣

陳記點心也會在首日推岀「一蚊100粒燒賣」活動，顧客只要搶先成為首10位顧客，就可以一蚊買到100粒魚蓉燒賣。

今年美食博覽分為「貿易區」、「尊貴美食區」及「公眾區」。「公眾區」將一連5日開放，而為創造商機及交換資訊提供一站式平台的「貿易區」，將於首兩天（8月11至12日）供業內買家參觀，並於最後一天（8月13日），同時開放予公眾持票人時入場參觀。而設於展覽廳3B的「尊貴美食區」則於8月11至14日開放，今屆新增以有機及綠色食品為主點的產品，迎合現代都市人追求健康飲食的生活態度。