【立會選戰】市民盲選候選人傳單　邊張最吸引？

今屆立法會選舉名單特別多，要在眾多面孔中突圍而出，選舉文宣尤為重要。
一張傳單，背後盛載整個選舉團隊的心血，但選民又能否感受到？
《香港01》早前抹去九龍西7位女將的面貌、姓名、黨派等資料，邀請市民「盲選」其單張設計，結果又會是怎樣？

九龍西選區向來為「女人天下」，今屆同樣女將輩出，有被指「P圖高手」的民建聯蔣麗芸、經民聯梁美芬；主打年輕路線的青年新政游蕙禎、小麗民主教室劉小麗；以及公民黨毛孟靜、民主黨黃碧雲、獨立候選人林依麗。

市民：實景照片「冇咁單調」

學生張小姐、梁小姐指出，毛孟靜以實景照片作為傳單背景，予人感覺「冇咁單調」、「好似真係會落區咁」；亦有人認為青年新政游蕙禎傳單設計「冇咁娘（老套）……吸引年輕人多啲」，但其口號「前途自決，光復議會」則遭批「冇乜點帶出到香港發生嘅事」。

雖然經民聯梁美芬拍攝傳單時身穿淺粉紅色POLO恤，冀予人親民感覺，但有受訪者認為她「（衣著）好似護老院嗰啲（員工）咁」、「感覺比較假，就咁喺度擺甫士」。而以桃紅色為主調蔣麗芸，獲讚「顏色吸引眼球」的同時，亦被指「格仔（恤）衫好老土」。

候選人團隊精心設計的宣傳單張，選民又是否受落？學生張小姐表示，平日並不會接收宣傳單張，即使寄至家中亦無意細閱，「（候選人）資訊上網大把有得睇」、「屋企好大疊（候選人資料），但冇睇過」。

選舉傳單耗紙多　市民：下世唔好投胎做樹

環保組織消費者力量曾統計，選舉事務處於2008年立會選舉期間，單是郵寄予選民的候選人資料已耗用820噸紙，相當於砍伐近2萬棵樹，可鋪滿逾2個維園。而今屆立會選舉中，單計地區直選及超級區議會，較08年增加40張名單，以此推算，今屆最少須耗用1439噸紙，相當於砍伐逾3.5萬棵樹。

不少市民反映，宣傳單張「睇完就冇用」，認為為環保著想應少印單張、多以網絡宣傳；從事資訊科技行業的向先生更笑稱「希望自己下世唔好投胎做樹，會畀人斬」。

最新民調結果及各區參選名單可按此連結。