【港人勁揪】奪日本攝影大獎少女走出抑鬱：患病讓我看到美麗的事

港人在日本奪攝影大獎，佔據傳媒版面的，只有大家熟悉的90後攝影師李維燊（千紅），但在得獎名單上，鎂光燈的背後，有一個看似陌生、易被忽略的名字，李咏欣，原來是千紅的妹妹。她笑稱「真係冇乜記者搵我喎」。

「（我）呢啲小薯仔，本來就應該冇人識，因為阿哥（千紅）多人識，掹車邊都有提到我，多咗人知道呢個獎，多咗人睇到條片，係好事嚟」，言談間，咏欣屢屢傳出笑聲，說得最多的是，「我話同阿哥感情唔好，你都唔信喇！」

90後哥哥千紅，上月以一張觀塘日落少女相，獲《國家地理》攝影「佳作」獎，成為傳媒新寵。他最近夥拍僅23歲的妹妹咏欣，兄妹檔以一段《日本關西》縮時攝影（Timelapse）短片，贏得亞洲電子藝術節（職業組別）動畫部門大賞，更獲追加文部科學大臣賞，肯定他們兩人在日本出版、藝術、文化等範疇裏的傑出表現及貢獻。

與哥哥約定　「條路行落去，兜遠咗唔緊要」

重要的事情說三遍，咏欣接受《香港01》訪問時常說「我話同阿哥感情唔好，你都唔信喇！」她回想高考放榜時，考進中大修讀日本研究，「知道阿哥入咗唔鍾意嘅科（工商管理），讀得好辛苦」，她便與哥哥「約定一齊讀落去，條路行落去，兜遠咗唔緊要」，結果哥哥大學畢業後，果真攻讀日本研究碩士。

瘋狂攝影　「每日都去影日落」

與哥哥非常相似，喜歡攝影，同樣喜愛日本，咏欣指「行得快就一個人，行得遠就要靠拍檔」，她形容哥哥就是這位「拍檔」。大約兩年前，因為受哥哥影響，開始醉心攝影，「係佢教我用鏡頭去睇呢個世界」。被問到攝影的瘋狂程度，咏欣就提及兩年前到日本留學交流，「當時我每日都去影日落」，看似一樣的風景，咏欣卻樂在其中「每個日落都咁獨特」。

曾患情緒病　「因為呢個病，先睇到美麗嘅事」

日本交流回港後，不知因由，咏欣漸漸發覺自己情緒出了問題，「好似諗唔到做人嘅意義，睇唔到未來」，後來得知患了抑鬱。「感覺就似過唔到呢關咁，慘到冇朋友。」幸好遇到好的心理治療師，好的護士，當下她覺得「即使唔用藥都可以醫人，幫一個已絕望、冇希望嘅人企返起身」。後來她成功走出陰霾，為了「效法」曾幫過她的護士，今年毅然決定攻讀中大護理碩士。

「因為呢個病，先睇到美麗嘅事，某程度上這個過程，也是種祝福。」咏欣深深明白開心非必然，又勉勵他人「情緒病就好似感冒咁，係醫得好㗎」，大概「成長」就是這樣。

2016年過去，咏欣第一次參賽便獲大獎，她坦言對她是一種「肯定」，亦是繼續在攝影路途上走下去的動力。問到未來，她未有清晰的路線圖或時間表，卻希望繼續做自己喜歡的事，走一條不會令自己後悔的路。