Supper Moment十年搖滾吐氣揚眉　毋忘已故經理人恩情

十年前，本地獨立樂隊Supper Moment剛剛成團。當初年少輕狂的他們，醉心夾band，就算已故經理人Gary Chan講過十年後就能踏上會展級數場地，四人都話：「唔好講笑啦！」言而十年後，他們確實去到會展，登上舞台，並完成一連兩場的「Supper Moment十週年溫柔革命演唱會」。

主音Sunny講到，過去外界聽到後生仔夾band，可能都不太討好。自稚氣盛起開始組樂隊，每晚開始夜歸，家人問起行蹤，總得戚地答：「夾band囉，唔係咩呀？」直到投身社會，依舊夾band，但生活指數也隨之下降，只能苦笑：「都係夾緊band。」直到現在，獨立樂隊捱出頭，走上會展，還有得加場，Sunny表示終可自豪地跟其他人說：「係呀！我係夾band㗎！」說罷，全場掌聲如雷。

演唱會結束後問到四人，已成功踏足會展舞台，下一站就是紅館嗎？他們表示正積極研究在紅館開show：「睇下咩時間，還有會做多少場。」看來紅館離他們不遠了。在台上，四人分別感激已故經理人Gary Chan，他們後來也表示經理人病逝，確實有點美中不足，以前總有Gary為他們動策、給予意見，但現時他們唯有積極面對，今次的演唱會就自己出手出力。而Supper Moment不諱言現在都有其他經理人招手，但因工作繁忙，未能處理到。

至於，在台上播放Gary的短片時，講到有DJ曾表示Supper Moment外型醜樣，四人笑說：「唔知係邊個，但相信唔係惡意。」還指對方講得中肯。