【狂迷襲DJ】Donald留院舉OK手勢　施襲者疑是瘋狂聽眾

【04:15更新】大約凌晨一時許，Donald走到醫院急症室外接受訪問，他憶述遇襲經過時表示，當時他剛做完節目，趁有空檔到九龍城食晚飯，豈料用膳途中便遇襲，「個男人衝咗入嚟，就追打坐喺外圍嘅Colin同Jacky，咁憑本能即刻追出去啦，咁追咗3、4步到，嗰個人就喺的士車尾箱拎咗支鐵棍，追返我哋。」Donald表示，他原想以手擋格但不果，最終導致頭部被扑中受傷及左手甩骹，施襲者其後駕駛的士離去。

提到今次遇襲，Donald表示十分抱歉，因為拍檔少爺占暫時要獨自主持節目。問及傷勢，Donald指頭部需縫兩針，左手亦因有少許骨折及甩骹，稍後要打石膏，未知何時才能出院。

Donald續指，自己從未見過該名兇徒，但其他同事曾見過該名男子，但就聽過其他同事所述，該名男子是瘋狂聽眾。「當時好驚㗎，開頭以為係啲飛仔點錯相，打完一個又一個，咁我哋追出去嗰陣，見到架的士，咁就知道之前有個的士司機會咁樣嘅。（即係咩意思？）即係有啲瘋狂聽眾咁囉。」問及太太有否對此受驚時，Donald表示太太情緒暫時沒有大問題。

DJ Donald於九龍城用膳期間遇襲，受傷送院，於今晨零時被推上病房，其頭部紮上繃帶，戴口罩，期間右手豎起「OK」手勢，向大家報平安。遇襲還有同行的DJ Colin和Jacky，分別受輕傷送院，前者更講述遇襲經過。

男子入餐廳即揮拳

Colin表示，今晚和Donald、Jacky 一行人在節目《聖艾粒忌廉夜校》開始前，到九龍城侯王道4號地下的聯發茶餐廳晚膳。眾人甫坐下，突然一名約20餘歲的男子走入餐廳，一言不發，即走近坐在最外圍的Colin揮拳，Colin連捱兩拳後，坐在其身旁的Jacky亦捱了一拳。

男子其後跑離餐廳，Donald尾隨，男子在停泊在餐廳外的的士車尾箱拿出一支棍狀物體。Colin和Jacky立即呼叫Donald離開，Donald閃避不及，被男子狂毆，傷及頭及手。據悉，有關男子沒有戴口罩，行兇後駕駛的士絕塵而去。Colin和Jacky隨即記下的士車牌，並將之告訴警方。

少爺占於「ILUB TV」facebook專頁午夜12時貼文，指三人均康復中，不用擔心，大家可以在facebook寫下祝福。

Donald拍檔少爺占於凌晨約1時，趕至醫院探望，他指對於這樣的襲擊事件，感到避無可避，「因為經常要去唔同嘅地方，平時都係揸車出入，返工會直接泊架車喺公司，走嗰陣會直接返屋企，會通知大家提防要小心啲。」