渣馬2021｜10K起步打大佬 陳家豪教路：咩距離跑西隧都要留力
撰文：何偉畧
出版：更新：
香港馬拉松名物之一——西隧，往年是半馬及全馬跑手最大噩夢，今屆賽事，10公里跑手都有機會「共渡難關」。
西隧「V型」斜道一向象徵賽事進入後段，10K改到西隧入口起步，一開始便考驗跑手。渣馬兩屆半馬冠軍、長跑教練陳家豪送各位10K跑手「四字攻略」：留前鬥後！
主辦單位為控制賽事範圍，把三組賽道合一，10K移師西隧九龍入口起步。按大會賽事手冊的橫切面圖，跑手一起步下斜，首2公里下降約35米至最低點，接着是長達2公里的上斜路，跑出西隧後直上到干諾道中天橋，上升約45米到達最高點。往路緩緩向下，向中環及灣仔海濱，上馬師道天橋後跑回維園衝線。先苦後甜，應該一開始衝到盡，還是留力？
疫症禁絕一切賽事，跑手久疏戰陣，再次上線真的很興奮。去屆半馬奪得季軍的陳家豪，今年繼續出戰半馬，提醒大家不論參加10K、半馬或全馬，先控制期望，再控制留放。
陳家豪提醒跑手在前半程忍耐，10公里賽跑手要控制速度，以免在後段平坦路段「拉車」。他說：「有人覺得趁好氣好力，『拿拿臨上咗去先』，後段一定無力。任何距離的跑手，都要留前鬥後。」
10K路程，戒急戒躁慢慢跑，兩小時必定可以完成，操之過急才是大忌。他續指：「估計大家狀態未進入最佳時刻，夏天練得辛苦，又未完全進入冬天跑步的狀態。今次賽事寓賽於操，當作提升狀態吧。」
渣馬復辦相關消息：
渣馬2021｜姚潔貞魏賡目標全馬總冠軍 天氣轉涼利發揮卻不能輕率
渣馬2021︱大會：跑手須絕對守法 香港加油兩日內無問題變有問題
渣馬2021｜跑手須知七大變化 疫情下復辦出現香港跑界歷史一刻
即睇港馬2021各組別名額、起跑時間及路線圖：（按圖放大）
警方公布渣馬賽事日封路情况（按圖放大）
+1