說笑之人｜吳肇軒逼林峯聽爛Gag 「有首歌講荷花的愛？」超爆笑
撰文：許育民
出版：更新：
由袁富華、吳肇軒主演的香港「棟篤笑」喜劇《說笑之人》，已上畫一個多星期。電影講述袁富華飾演的華哥，是一位輕度智障的單親爸爸，獨力撫養吳肇軒飾演的兒子文仔，而文仔則在伍詠詩飾演的好友鼓勵下，將成長面對的困境化成棟篤笑的材料，成為一位棟篤笑藝人，故事親子感情豐富、笑中帶淚。
吳肇軒在戲中會不斷用生活的細節，變成笑話內容。（《說笑之人》劇照）
原來問題係同林峯的歌有關。（影片截圖）
因為戲中要講棟篤笑，最近吳肇軒便四出捉人聽佢講爛Gag，聲稱要令到人爆笑，而第一位「受害者」就是林峯。林峯一嚟就問︰「係咪真係好笑先？」軒仔並無理會便講出問題，「你知唔知自己有首歌係講荷花池嘅戀愛？」林峯一頭問號都未諗到，吳肇軒就開估︰「係《愛不疚》，因為愛，自『荷葉』說起」林峯聽到後立即爆笑。
諗深一層終於明白，就爆笑起來。（影片截圖）
不過軒仔其實都記錯歌名，正確應該是《愛在記憶中找你》，而原版歌詞是「要自何頁說起」，正好食咗「荷葉」二字。今次就林峯率先遭殃，未知下個受害者又係邊個呢？