George Michael《Careless Whisper》多改編 少寶：主要係梅姐
George Michael（佐治米高）於聖誕在家中安詳離世，終年53歲。佐治米高早年以組合Wham!出道，創作了為人熟悉的《Last Christmas》、《 Club Tropicana》、《Wake Me Up Before You Go Go》等多首名曲。其中由佐治米高創作的《Careless Whisper》更令他們在全球熱爆。
深受歡迎大眾喜歡的《Careless Whisper》歌詞講述一個暗戀故事，男方不肯定女方是否亦愛著自己，沒有勇氣告白，後來男方從朋友的無心快語中知道女方其實愛過自己，男方非常後悔。此曲成為香港人熱愛歌曲，80年代香港正值興起改編潮，除了為人熟悉的改編日本歌曲外，其實《Careless Whisper》都已被改編成三個版本，包括梅艷芳的《夢幻的擁抱》﹑蔡國權的《無心快語》﹑甄妮的《忍痛說謊》，不過改得是否仍屬上佳之作，見仁見智。
資深音樂人陳少寶接受電話訪問時講到，佐治米高在香港流行的歌，大部分都是Wham!時期的作品，而《Careless Whisper》這首歌更是他們走紅的原因：「個時有傳佢哋想解散，就整咗《Careless Whisper》依首歌出嚟，當做臨別歌，點知首歌一出就全球熱爆紅，咁就再搞咗個巡迴演唱會，其中一場嚟咗香港。」少寶哥憶起當年的演唱會，都大讚其製作和演出，講到期後香港有多個歌手翻唱《Careless Whisper》中文版，少寶哥表示80年代香港很流行翻唱日本和外國歌：「依首歌太流行，所以好多人爭住翻唱，最主要係梅艷芳同蔡國權版本。」
少寶哥又坦言佐治米高個人發展後的曲風比較西方，香港未必好留意，之後都沒有再來香港：「都覺得好可惜，我哋鍾意聽西曲嘅人應該好傷心，最近2-3年好多好叻嘅音樂人走晒，今朝聽到都好驚訝。」講到有傳佐治米高離世前仍在籌備一張新專輯，少寶哥表示好多創作人都會儲落不少作品，而今時今日的科技應該有能力去將這些作品組合成新歌一樣：「都期待會有新碟，因為佢嘅作品係好聽。」