【Plan B】陳啟泰10年後再拍劇 脫眼鏡演黑幫：呢個仲似我真人！
作為觀眾，很難想像陳啟泰不戴眼鏡上鏡。
「如果當年唔戴嘅話，我嘅發展可能會好唔同囉！」他透過WhatsApp短訊回覆。
而真相是，陳啟泰的近視根本淺得不用戴眼鏡，由始至終，他架起眼鏡只為工作需要，「點知一戴就戴咗30年！」這個形象隨電視入屋，幾乎牢不可破，卻又隨時日流逝而成為幕後之謎，好比《百萬富翁》裏的100萬題目，如果不是因為ViuTV新劇《Plan B》即將首播，聊起他在劇中飾演黑幫頭目黎根的造型，沒近視卻戴眼鏡的背後原因，恐怕永遠不會成為影視娛樂專訪的撰寫角度。
一切要從35年前說起。
因「太蠢」失《新秀》決賽資格
時為1983年炎夏，彼時正在加拿大渥太華卡爾頓大學（Carleton University）讀書的陳啟泰趁暑假回港，期間參加《第二屆新秀歌唱大賽》，成功入圍初賽，卻就此「止步」，「因為當時我仲讀緊書，只係返嚟香港過暑假，入圍後黎小田先生問我：『你會唔會留喺香港發展？』，我就好誠實又好蠢咁講：『唔會，梗係讀埋書先啦！』結果最終入唔到決賽！後來我見番Michael哥（黎之洋名）嘅時候佢都話：『你都傻嘅，梗係話喺度發展啊嘛！』」陳啟泰憶述時直言，往後曾經再度參加《新秀》，可惜連入圍的資格也沒有。
再戰港台比賽敗給仇雲峰 一張相改寫命運
上天關了一扇門，定必打開另一扇窗，尤其是1980年代的香港，娛樂事業發展如日中天，不同機構都會主辦歌唱比賽吸納新人，規模或大或小、名字千奇百趣，就連香港電台也在1988年舉辦《聽歌學英文88新星英文歌曲挑戰賽》， 熱愛唱歌的陳啟泰決定再次嘗試，以Roberta Flack成名作《Killing Me Softly with His Song》「闖關」（原唱是Lori Lieberman），結果得到亞軍，而當年的冠軍就是「一碟歌手」仇雲峰，其派台作《半真半假》紅遍港九，可惜不紅人。
陳啟泰說勝出後的遭遇從此改變他一生。「比賽完咗之後，港台就搵咗我哋10個Finalists去拍啲嘢，我唔記得咗拍咩喇，但有人就睇到我張相，喺後面寫咗啲Comment，話：『打』、『勁』之類嘅嘢，即係話我個樣好凶神惡煞，個樣好惡死，可能戴眼鏡會斯文啲。」再看看《Plan B》的非官方預告，陳啟泰於劇中，其輪廓沒眼鏡擋一擋，那怕沒有加強語氣講對白，也確實有九分「凶狠」，令人心驚。
《香港早晨》試鏡 監製提議戴眼鏡
就是這幾句簡短評語，陳啟泰記在心頭，並認真看待之，「其實我一路以嚟，近視都只係得50度、75度左右，即係冇近視啦，但嗰次之後，我就真係準備咗啲眼鏡。」機會總是給有準備的人，就在參加港台歌唱比賽後兩年，他獲薦加入無綫，第一個主持的節目就是晨早播出的清談節目《香港早晨》（1993年由新聞部接手，變為純新聞節目），「記得當年入去《香港早晨》試鏡嘅時候，無論係監製黃孝廉同埋藝員科都覺得，我戴眼鏡比較斯文，會好睇啲咁，就由嗰陣時開始戴眼鏡，其實如果我唔想戴呢，佢哋都唔會迫到我戴嘅，但可能我嘅發展會好唔同。」蘇永康曾說過，一定要戴眼鏡才可以見人，陳啟泰則相反，只是參考他人意見的權衡之計，結果成功塑造幕前形象，「一戴就戴咗30年！」
難怪陳啟泰說，今次《Plan B》飾演黑幫頭目實在高興，因為拍攝期間，為配合劇情，以及黎根一角要盡情展露其凶狠面相，他完全不用架起眼鏡遮擋，「而家終於可以大解放喇，可以做番我本人，其實好開心㗎！因為比起《百萬富翁》嘅陳啟泰，呢個造型更加似我本人，因為我係唔戴眼鏡嘅！」對於有網民指，今次他在新劇的造型很深沉，尤其是雙眼，到底真實生活中，要是他生氣了，是否也是出現這種眼神？他笑言只是錯覺：「我嘅眼窩比較深，啲人就以為我好深沉，其實我係喺度發緊白日夢。」
游大東其他文章：
【詭探前傳‧有片】秋官不怕無綫嬲豬：佢哋唔鍾意咪拍啲好嘢囉！
【非分熟女】台灣視帝吳慷仁「融入家中」 演港式茶記廚師學拋鑊
【大叔的愛．評論】難得沒加鹽加醋講HeHe 港發展性小眾劇路遙遙