跟住陳曉華玩盡土耳其 港姐冠軍教你點打卡先最靚?

撰文:趙允琳
出版:更新:

秋天一直都是港人最愛去旅行的季節,既沒有夏天炎熱,不用邊走邊流汗,又沒有冬天寒冷,不需帶備一大堆禦寒衣物,還可以慳不少行李位置!去日本、韓國去得太多嫌悶,但又覺得去歐遊太遠,不妨考慮去位於亞洲與歐洲之間、近年成為港人最愛去旅行的國家之一-土耳其!不愛跟旅行團,偏愛自由行但又不知該如何安排行程,擔心中伏?就由美貌與智慧並重的2018年香港小姐冠軍陳曉華(Hera)話你知土耳其該怎麼玩吧!

飛行路線:

香港-->巴黎-->伊斯坦堡-->卡帕多奇亞-->棉花堡-->伊斯坦堡-->杜拜-->香港

Hera推薦大家乘搭土耳其航空,直接由香港飛去土耳其,省卻轉機要等待的時間:「不過因為我想行下巴黎,所以我搭左去巴黎再轉機去伊斯坦堡,返香港嘅時候飛去杜拜,再飛返香港!」

Hera的土耳其之旅去了三個城市,包括伊斯坦堡、卡帕多奇亞和棉花堡。(Google Map)

天氣:

Hera於10月份去土耳其,已經感覺倒當地溫差頗大:「最凍係8度,最熱係24至26度左右!」11月的溫度預料亦會大幅下降。

11月的溫度預料亦會大幅下降。(accuweather)

第一站:伊斯坦堡 (推介度:****)

伊斯坦堡是土耳其的最大城市,亦是世界上惟一橫跨歐洲和亞洲的城市,去土耳其旅遊又怎可以錯過?舊城區集齊伊斯坦堡最出名、最有指標性的景點,而新城區則充滿熱鬧的商店,適合喜歡瘋狂shopping的旅客。最令Hera印像深刻的,就是又名「藍色清真寺」的蘇丹艾哈邁德清真寺:「真係好靚!有機會一定要入去,不過可能因為我哋嗰日去係星期日好多人,同埋入去嘅話要問佢哋借頭巾買或自己自備,所以我哋就冇時間入去,因為真係太多人等!」

Hera表示沒機會進「藍色清真寺」的內部,非常可惜。(照片由受訪者提供)
她叫大家有機會一定要入去,真的非常值得!(網上圖片)
去土耳其點少得土耳其雪糕?(小心被調戲!!)(照片由受訪者提供)

她入住的五星級酒店Ritz Carlton Hotel亦相當有名,一邊望住伊斯坦堡一望無際的景色,一邊浸spa游水,確實是非常寫意。由於Hera的旅程比較趕,所以沒有太多時間暢遊伊斯坦堡,就要馬不停蹄飛去下一個城市。

好舒服好寫意~(Instagram:@herachann)
Ritz Carton Hotel是位於伊斯坦堡的五星級酒店。(網上圖片)

第二站:卡帕多奇亞 Cappadocia(推介:*****)

離開伊斯坦堡後,Hera搭飛機去卡帕多奇亞就是這個熱氣球城市,市中心距離機場大概一小時:「呢個城市係我呢個旅程最鍾意!每日差唔多日出就會有好多熱氣球飛上天!」她笑言自己沒有太大意欲去乘搭熱氣球,但要如何近距離望到熱氣球的就相當有心得:「都係鍾意喺唔同距離或者唔同角度去欣賞天空充滿熱氣球既感覺!第一次睇熱氣球係租車出去睇熱氣球起飛附近睇,嗰架老爺車喺酒店都會可以幫你租到;第二次睇熱氣球就係喺酒店嘅天台,啲啲熱氣球係個天空到好細粒同近距離睇係兩種感覺!」

酒店可以幫你租老爺車,拍出來的照片真的很漂亮!(照片由受訪者提供)

她於卡帕多奇亞逗留得較長,更入住了兩個以山洞為主題的酒店,分別是Koza Cave Hotel 和 Mithra Cave Hotel,而她更特別推介看熱氣球是特別有feel的Koza Cave Hotel:「佢哋係家庭形式經營,接待我哋既男仔同老婆好sweet,又好鍾意同住客傾計,而且呢間酒店嘅天台位於當地最高位置,所以我哋都係喺嗰度睇熱氣球!」

Mithra Cave Hotel以山洞為主題。(網上圖片)
Hera推介一定要在Koza Cave Hotel的天台觀賞熱氣球,超有feel!(照片由受訪者提供)
Koza Cave Hotel是Hera的最愛。(網上圖片)

尾站:棉花堡Pamukkale(推介:**)

棉花堡有「白色城堡」之稱,棉堡高160米、長2,700米,就好像一座雪白的堡壘一樣。Hera認為去棉花堡的交通略為不方便,因為如要搭飛機就要由伊斯坦堡出發,如果在卡帕多奇亞出發的話就只能搭過夜巴士:「如果搭飛機嘅就要搭返飛機去伊斯坦堡再搭去棉花堡,但我哋計過差唔多時間,所以我哋最後都係搭過夜巴士。第一次聽到話搭過夜巴士好驚恐,但搭完後又覺得幾好瞓!」花了十小時的車程才到達棉花堡,不過Hera就認為不需太花時間在棉花堡這個地方,即日來回便可:「其實行三個鐘已經咩都夠晒,可以走得,而且因為環境原因,有好多地方都冇開放,所以我哋係棉花堡悶左好耐好耐。」

Hera稱棉花堡沒有太多景點,即日來回便可。(照片由受訪者提供)

總括:

美食方面,Hera用「好平好平」來形容:「正常係香港食到嘅食物質素,喺伊斯坦堡大概係一半嘅價錢。喺卡帕多奇亞有好多Pottery kebab食,係需要打爛個瓦先至開到入邊啲嘢食嚟食,非常特別,幾乎間間都有!嗰度食嘅野都係好平,主要係肉食,但食足幾日會開始悶,哈哈!」

有什麼一定要買的?Hera推薦「耳其燈」同地氈:「呢兩樣我都有買到返屋企,特別係地氈,有啲手工好精美,有啲就係印出黎嘅。如果真係要將地氈帶返屋企,我建議帶手工精美嗰啲!」

Hera笑言買了很多「耳其燈」回香港。(Instagram:@herachann)
土耳其地氈出名手工精美,是必買手信之一。(照片由受訪者提供)

點擊觀看更多陳曉華在土耳其的足跡:

+16