【街訪】網傳「家用量表」 街坊點睇? 絕世孝順仔每月畀萬五!

撰文:王淑君
出版:更新:

每個打工仔都必經的「千古難題」:要給多少家用才合理?有「連登仔」在討論區分享了一張自製的「家用量表」,計算父母在自己童年時的「功過」來釐定家用的金額,每項1,000 元,上限6,000元。
記者訪問多位打工仔,普遍家用金額為3,000至5,000元,亦有絕世孝順仔每月家用非常「大手筆」!

睇完使唔使加返家用呀?(資料圖片)

記者發現打工仔每月家用的金額大約3,000至5,000元,如果加人工或出花紅,則會酌量多給一點,請家人食餐好的。有正在做兼職的打工仔向記者表示,因家中還有大哥和家姐,所以每月只給500至1,000元左右;亦有「絕世孝順仔」直言:「鬆動先畀,使多咗就約1萬至1萬5千。」

大部分受訪者都指家用是「自己鍾意畀幾多就幾多」,亦有人表示是由家人決定,惟幾乎全部受訪者都不同意用「家用量表」計算家用。打工仔邵小姐說:「唔會咁樣計,屋企人養到你咁大,都唔止呢個數啦!」另一位受訪者潘先生更說:「指標是有參考價值,但金額就應該多啲,報興趣班都唔止1,000蚊啦!」

打工仔點睇:

潘先生:10,000 - 15,000以上 「一般都萬五左右,有餘錢就再畀多啲。屋企人冇要求我,佢哋都會幫我儲吓錢,但我就冇諗住攞返,都係畀佢哋用。我儲咗錢先畀家用,所以唔會影響我儲錢。」(王淑君攝)

潘先生:10,000 - 15,000以上

「一般都萬五左右,有餘錢就再畀多啲。屋企人冇要求我,佢哋都會幫我儲吓錢,但我就冇諗住攞返,都係畀佢哋用。我儲咗錢先畀家用,所以唔會影響我儲錢。」

許先生:$3,000 「金額由屋企人決定,加人工會同佢講,但家用就唔需要再加。雖然覺得畀咗家用會令到儲錢難咗,更難買樓,不過屋企人有時都好體諒,如果生活遇到困難,咁嗰個月可以唔使畀,但要『衰到好嚴重』先有呢個『優惠』。」(王淑君攝)

許先生:$3,000

「金額由屋企人決定,加人工會同佢講,但家用就唔需要再加。雖然覺得畀咗家用會令到儲錢難咗,更難買樓,不過屋企人有時都好體諒,如果生活遇到困難,咁嗰個月可以唔使畀,但要『衰到好嚴重』先有呢個『優惠』。」

【月光族必看】每月糧尾見底不是藉口 三招醫好你的月光病 (按此了解)

3種家用計算法

對「家用」的定義,不同的打工仔有各自的看法,有些人認為自己「食屋企、住屋企」,理應出一分力,有些人如上述的連登仔一樣,認為「畀家用如同還債」,把父母供養自己的金額「還」給他們。網上有不少計算家用的方法,各位又認為哪一種最適合自己?

方法一:均除法
把家中的使費,包括房屋租金/供款、水電煤、食材、雜費等,以家中的勞動人口均等除開。

方法二:養育成本法
養兒一個400萬元,一般大學生投身社會約22歲,假設父母50歲,以本港女性人均壽命87歲計算,職場新鮮人需供養父母約37年。

撇除所有經濟因素影響,算式:400萬元÷(37×12)=9009元。以統計處上月公布的第2季就業人士每月就業收入中位數(撇除外傭)為17,000。若要打工仔每月撥9000元做家用,相信還需衡量有沒有其他額外開支才能負擔。

方法三:人云亦云法
「畀幾多家用」可謂是「月經Post」,一般網民都指自己撥薪金的25%至30%作家用。不過始終人人的負擔能力不一樣,家庭環境也各有不同,大家還是按自己和家人定下的「準則」而行吧!

其實父母想你給家用,未必真的「等你份糧開飯」,可能是想你每月都能記掛他們。除了以物質滿足父母外,也可以和他們在假日飲茶、到公園散步、一起回顧小時候的趣事,相信「陪伴」和「關心」才是父母最想得到的「家用」。