張繼聰演「動物傳心師」毫無顧忌 暫未打算回TVB：主力做好網劇
撰文：林迅景
出版：更新：
張繼聰去年被TVB封殺，及後專心拍電影反而得到不錯的效果。近來更開始多飾演諧星拍輕鬆喜劇。在最近一套hmvod 的《向西聞記》中，他飾演動物傳心師，看完真的令人會心一笑。劇集部份更甚有《西謊極落之太爆太子太空倉》的味道。
張繼聰拍喜劇真係幾正。（林迅景攝）
張繼聰説：「當然係毫無顧忌啦我，作為一個演員，我永遠都係為個角色服務。其實係咩平台同埋點樣製作，呢啲唔係演員需要考慮嘅嘢。不過去到第二集就會着重同胡杏兒之間嘅關係，就唔會有好多大尺度嘅嘢。」
短期內應該唔會見到張繼聰喺TVB出現。（林迅景攝）
其實張繼聰在TVB也拍過不少劇集，問到他覺得網劇與TVB劇的分別，他説：「TVB劇接觸觀眾層面比較廣泛，例如8點半播嘅電視劇，所以好正常就會比較多限制。但係網劇因為觀眾好主動性去選擇，所以限制就少好多，其實兩樣都係唔同媒介。」
《向西聞記》劇中，張繼聰有不少大膽鏡頭。（林迅景攝）
問到張繼聰偏好哪一種劇集模式，他說：「當然我係TVB拍咗咁多年，好有感情同埋對我有好多分別，兩樣都有兩樣嘅好玩。但係對於我嚟講，而家就會放多啲時間喺電影或者網劇上面。不過冇話邊樣高低，而係大家難道唔同。（之後有冇返TVB打算？）我同TVB永遠都會保持友好關係，但係喺蕭生旗下，我會主力做好電影同網劇先。」老闆蕭定一都話反應好就繼續拍網劇，唔使驚喎。