【港姐2020】黃婉恩認有美貌智慧 唔怕受威脅：學歷比其他佳麗高
撰文：吳子生
出版：更新：
候選佳麗黃婉恩（Yancy)今晚（4/8）現身電視城出席《我和港姐有個約會網上直播》。Yancy透露上年參與港姐期間，不慎弄斷左腳腳筋，最終被迫停止參賽大感可惜，「上年我用咗拐杖六個月時間，好記得個段期間我係暴肥至57Kg，呢個體重對我呢個163身高嚟講都算係好肥，所以而家我49Kg，相比起減咗好多。」
Yancy直言很想攞冠軍。（葉志明攝）
當被問今年麗質數高，會否感到威脅時，Yancy直言：「我覺得當然要對自己有信心啦，同埋參選港姐都要美貌與智慧，而我嘅學歷都比其他佳麗高。（想唔想攞冠軍？）當然想啦！所以而家我都好努力練緊才藝表演，仲搵咗個廣東話老師執正我啲廣東話，自己都怕當晚決賽發咬字唔正發錯音講聲粗口。」
Yancy表示很想攞冠軍。（葉志明攝）