【全職沒女】陳瀅真空挑戰電視尺度 同張振朗床戲：對腳磨嚟磨去
撰文：林通賢
出版：更新：
雖然《不懂撒嬌的女人》氣勢強勁，不過這個月的MVP，一定是《全職沒女》的陳瀅，無論有沒有看過套劇，都一定看過她充滿電力的演出片段，紅到網民用「陳瀅」來作歌，就知陳瀅氣勢有幾強，但今晚《全》劇大結局，相信最不捨得的是巴打。
而今晚陳瀅和張振朗有終極床戲，二人只著內衣上陣，亦即是早前陳瀅在《Big Boys Club》訪問中話feel唔到張振朗的一幕，陳瀅接受《香港01》訪問，她表示自己真空上陣，她說：「嗰條吊帶裙真係好簿，同埋咩都冇，唔容許我著任何嘢喺入面，振朗有冇著多幾條底褲？你要問佢喇！」
陳瀅今次在《全職沒女》幾乎場場都性感演出，但她表示拍攝時都相當尷尬，她說：「拍嗰陣都好尷尬啦，兩個唔著衫咁就做，我就得件好簿嘅衫，振朗就完全咩都冇得著，好怕醜，又有好多crew喺到，咁拍嗰陣，我哋要喺床到典嚟典去，導演就拍腳先，咁我哋啲腳要攬埋一舊，所以佢每一條腳毛我都feel到，同佢對腳要磨嚟磨去…哈哈。」相信巴打是會將這一場戲download，然後不斷重温。
+1
+8