【中華小姐】幸福人妻香香叉爆電勁索　deep V透視靚過今屆華姐

幸福人妻岑麗香終於由馬爾代夫返香港，出席《2018年國際中華小姐競選》。香香一身性感打扮，除了大deep V，條裙仲係see through，完全身材若隱若現，睇嚟香香唔怕凍之餘仲叉足電！

香香話去到馬爾代夫，簡直係遠離塵囂。「個度雖然有wifi可以上網，但我去到個度係舒服到，係可以全日都唔拎部電話㗎。」好多人話馬爾代夫都只係個島，去四日左右就夠，但香香就話：「唔係㗎，去七日都唔會悶㗎，因為個度有好多水上活動，好relax，所以都唔會好悶，仲好開心。」

而香香今次去馬爾代夫，係同老公阿強慶祝結婚一周年，「講咗好耐話慶祝，但一直都冇，今次終於去咗旅行，當放鬆下。（老公有冇準備驚喜？）冇㗎！大家都係hea下㗎咋！」一齊靜靜地攤唞，都幾幸福。