陳志雲教路被長輩催婚點拆局:結婚嘅使費你負責?

撰文:洪曉璇
出版:更新:

陳志雲素有大師之稱,出名轉數快,每句說話都言之有物,背後總有深層意義。新春期間面對唔多熟稔嘅親戚瘋狂提問,呢日佢就親自教年輕人拜年時如何「拆局」長輩的提問而不失霸氣:「長輩的提問不外乎四大:學業、感情、工作、財政。」

志雲大師教年輕人拜年時如何「拆局」長輩的提問而不失霸氣。

志雲大師早前為香港開電視主持節目《志雲拆局》大受歡迎,日前佢再拍攝新春搞笑版,教年輕人拜年時如何「拆局」長輩的提問而不失霸氣:「長輩的提問不外乎四大:學業、感情、工作、財政。如果問成績或考第幾就最易答,你大可以同長輩講『我要同自己比較,我每一分鐘都要比上一分鐘進步!至於大學讀緊邊科,搵唔搵到食?你就話『林鄭月娥都無讀過特首這一科,所以要攀上香港社會最頂層,其實讀邊科都無乜所謂!』」

同時下年輕人一樣,陳志雲都曾經為親友新年瘋狂提問感到煩惱。

關於感情問題,志雲認為大可以「私隱」推搪,總之時機成熟就知分曉。至於要拆關於工作、搵錢、買樓的問題,志雲提供的答案相當精警,他笑道:「我哋應該遊戲時遊戲,工作時工作,而家新年放假就無謂講工作!之於幾時買樓?鈕我就有好多粒,買多太多就唔好喇。」志雲自己亦曾為長輩的提問而厭煩過:「以前最煩係畀人問我幾時結婚,好在我爸爸好好,每次都幫我擋,仲反問啲親戚『喺咪佢結婚嘅使費你負責先?結婚之後又離婚,係咪又係你負責呀?』」