【福爾摩師奶.專訪】髮型暗藏玄機 徐榮:代表罪案月光下發生!
撰文:吳子生
出版:更新:
無綫最近熱播劇集《福爾摩師奶》,單看劇名就令人聯想到好似偵探小說一樣,有偵探就當然有警察角色,在劇中飾演狄德英(狄練目)的徐榮,職業是類似警察的「更練」,在歷史上職責甚多,成立原因是香港開埠初期,因警力不足,罪案頻生,華人自發組織自衛隊,主要工作保護市民的性命財產。徐榮引領觀眾回到20年代時油麻地情景:「其實喺戲裏職責夜晚會巡邏,負責報時打更,維持治安睇下有冇事發生,又會幫啲婆婆搵豬呀,但我係一名熱血青年嚟,好想捉賊,好想參與開膛手案件,但次次都唔得啦,咁當然要靠陳松伶(飾祖迪費查)去幫手查案。」
額頭留「啄」減殺氣
監製方駿釗為了徐榮在角色上,看起來更似喜劇人物,特別在造型方面落手,原來暗藏玄機。徐榮笑言:「可能自己本身個樣凶神惡煞,監製想我個樣善良啲,想我個樣過癮啲,就叫我喺頭前額度剪一個『啄』,剪完之後覺得好似Copy人哋嘅外太空人(《星空奇遇記》冼樸隊長)個造型,之後靈機一觸,不如將個『啄』剪喺側邊,修剪成月光形狀,因為我哋案件大部份都係喺夜晚發生,可以畀到觀眾啲細膩位置,係有用心去度過,可以話喺髮型上係暗藏意思嘅。」
此外,狄練目每次查案遇到難題時,總會「眼眨眨」,好似神探上身好多嘢諗,實情係點由徐榮話你知啦:「我點解成日有嗰個眼神呢,哈哈,因為我嘅角色係近視,因為我睇嘢唔清楚,所以成日先會係咁樣,又唔係話要配合個髮型先有呢個眼神,事實我係好深近視,哈哈!」徐榮自爆在劇中追陳煒(飾鮑妹娣)原因為她好生養:「因為我阿媽係神婆,佢算到我有劫,仲話搵個老婆旺自己嘅就可以化到個劫,計埋條數煒哥旺我,咁我先去追阿煒哥啫。」
+10