【黑市】唐浩然分飾兩角挑戰大 麥可怡背9頁對白:終於可以講嘢

撰文:游大東
出版:更新:

將於聖誕夜首播,由王貽興、劉翁自編自導的ViuTV新劇《黑市》,周四(19/12)下午在九龍灣總部舉行記者會,參演不同單元的陳啟泰、楊偲泳、張紋嘉、魯文傑、黃奕晨、黎澤恩、沈殷怡、陳俞希、駱振偉、強尼、王頌茵、詹朗林、蔡宛珊、李昭南、陳子豐、陳郁憲、李建邦、曾贊學、黃溢濠、周祉君與彭珮嵐等都有出席,聲勢浩大。而在一眾演員當中,記者找到兩位曾經在「年度話題港劇」《教束》合作過的新晉演員 ── 「會長」唐浩然(Jacky)以及「啞同學」麥可怡(Krince)的身影,原來在《黑市》裏,他們會各演出兩個單元故事。

聖誕就到,準備好禮物未?投【01最賞睇娛樂大獎】,有大把禮物抽喎!超過70萬元豐富獎品,包括旗艦手機11 Pro MaxDyson風筒,仲可以有01積分換唔同禮品

麥可怡與唐浩然曾經在《教束》飾演馬修書院的同學,今次在ViuTV新劇《黑市》的《正能量》單元中有「一秒同框」。(陳志嵐攝)

唐浩然指,今次可算是一次「《教束》重聚」。「其中一個單元係『地縛靈』,係有同岑珈其(在《教》飾演麥浩賢)做對手戲,但主要係講佢嘅故仔,我就飾演一個失戀嘅男仔,為咗向前度女友報仇而自殺。」另一個單元叫《正能量》,除了拍檔強尼之外,亦會跟身旁的麥可怡合作,這是繼《教束》後,「會長」再次與「啞同學」踫頭,但麥可怡遺憾說,彼此沒有對手戲,「係咪同框咗一秒?」「唐記」點頭說:「係一秒!」

在《地》演罷「慘慘豬」角色,「唐記」去到《正》就會演一位性格熱血,但又有點笨頭笨腦的新紮刑警,經常因為衝動而弄出不少笑話,「因為之前演《教束》嘅『會長』其實係好冷靜,成日只係得一個樣,又皺眉頭,喺《正能量》就會係一個比較活潑,同埋傻氣少少嘅人,因為強尼係一個我好欣賞嘅師兄,我好多時都係問佢意見,然後我就好似毛利小五郎(《名偵探柯南》角色)咁樣有啲錯誤嘅推理。」

至於劇情方面,《正》的故事中,「唐記」與強尼原本要調查連環兇殺案期間,發現跟一個手機應用程式有關,而麥可怡亦牽涉其中,她說:「我就係其中一個受害者的另一個女友,最後我同強尼係一齊搵到個真相,就發現原來個App係會作繭自縛,會傷害到自己。」而在聖誕夜播出的首個單元《碟仙》,麥可怡會再次扮演中學生,而且是一位神婆,跟兩位MIRROR成員:Edan(呂爵安)與Stanley(邱士縉),以及關嘉敏(Carman)和戴月(Kikko)一同「留堂」玩碟仙,結果搞出人命。

唐浩然直言今次在《黑市》其中一個單元《正能量》飾演的熱血刑警,跟之前在《教束》飾演「會長」鄧學謙,差距很大。「之前演『會長』其實好冷靜,成日都只係得一個樣、皺眉頭啦,喺《正能量》就比較上活潑同傻更更。」(陳志嵐攝)
麥可怡指《黑市》屬於一套電影感頗重的電視劇,跟平日觀眾看到的港劇有點不同。「我覺得,以呢種題材嚟到做電視劇,而唔係做電影,喺香港比較罕見,所以今次能夠參演,呢個經驗對我嚟講都真係好特別。」(陳志嵐攝)

由演「啞同學」到要讀9頁對白 麥可怡:好開心!

《黑市》以不同題材探討人性黑暗面,集驚慄與奇幻於一身,宣傳片充滿詭異恐怖氣氛,究竟在拍攝期間有沒有遇到靈異事件?唐浩然和麥可怡異口同聲說沒有。天生膽小、從不夠膽看鬼片的唐浩然坦言今次演出的兩個角色都不算可怕:「還好嘅,因為我拍嘅兩個單元都真係唔係好恐怖,或者會有嚇到我嘅嗰啲嘢,即係我睇劇本嘅時候,我還可以,因為至驚嘅部份,就係我要成為一隻鬼魂(《地》單元),同埋比較恐怖嘅Scene呢,其實係發生喺強尼嗰邊,所以我都仲OK。」他又指,在拍攝期間確實沒有發生過任何怪事,「因為大家都在工作狀態,可能發生咗啲怪事我哋都冇留意到。」

麥可怡就指,自細已經常常看恐怖片,所以今次有份參演《黑市》不單止不害怕,反而相當雀躍:「我一直都好想試下拍鬼片,今次仲可以做埋鬼𠻹,真係好開心!」上次在《教束》演「啞同學」對白極少,今次在《黑市》能夠「過足口癮」大講特講,也是她覺得滿足的原因,「今次呢兩個單元,兩個角色都好多嘢講,同強尼嗰集,(有一場戲)劇本仲要有成9頁紙,全部都係字嚟嘅。之前喺《教束》冇得做神婆(由盧蓁宜飾),今次喺《碟仙》就輪到我做神婆喇,係一個好鍾意玩靈異嘢、奇怪嘢嘅𡃁妹,我就覺得好得意,因為『啞同學』係唔能夠啞一世,可以講嘢,真係好開心,所以都好多謝貽興畀呢個機會我。」

在香港演藝學院導演系畢業的唐浩然,從來都想幕前幕後雙線發展,所以今次參演《黑市》,對他來說是一次自我提升、發掘潛能的過程,不亞於累積幕前演出,更能掌握擔任導演和編劇的技巧,「唐記」以《地縛靈》飾演失戀男的例子解釋。「我喺故事入面係一隻鬼魂,其中要做嘅一場戲,係講番以前同女朋友嘅經歷,我發現自己困咗喺入面走唔到,跑唔到出去,因為會撞番轉頭,所以成個演繹都係要靠自己想像,因為現場係唔會有CG畀你睇到,點樣配合導演嘅想法呢?我始終經驗唔多,接觸唔同導演,用唔同嘅方式去溝通,呢個過程,我覺得係一個幾好嘅學習機會。」

麥可怡之前在《教束》飾演「啞同學」蔣蔓芝,對白甚少,今次在《黑市》兩個角色都有很多對白,她笑言終於可以大講特講。(《教束》劇照)
唐浩然在《教束》之中飾演的「會長」鄧學謙戲份極重,加上外表俊俏,加上在劇中又跟「莊子」(周漢寧飾)有一段曖昧的男男戀情,因而成為新一代「腐女界」新寵。(《教束》劇照)
在第一個單元《碟仙》之中,麥可怡有機會跟人氣男團MIRROR兩位成員:Edan(呂爵安)和Stanley(邱士縉)合作,故事講述,飾演神婆的可怡跟幾位同學齊齊「留堂」在學校裏玩碟仙,結果引來靈異事件,最終搞出人命。(《黑市》劇照)
唐浩然在《地縛靈》的單元故事中飾演一位失戀男,為了向前度女友報復而自殺。「唐記」直言天生是個膽小鬼,從不會看恐怖片,所以今次演鬼魂絕對是一次自我挑戰。(《黑市》劇照)