李逸朗拍網絡電影翻身 離家捱足14年：好對屋企人唔住
李逸朗（Don）去年以哭腔唱《傻女》成功回歸香港，由他自導自演的網絡電影《神探茄哩啡》上月尾在騰訊播映，一星期突破400萬點擊，成績不俗，但原來製作相當艱辛，更慘被老闆拒絕幾十次，他說：「俾人拒絕幾多次都數唔到，幾十次？真係唔記得，好多老闆睇都冇睇劇本就揼咗，聽過啲老闆話：『咩網絡電影呀？咩嚟架？你呢啲血本無歸啦，吓？就係靠你哋呢班咁嘅茄哩啡呀？』呢啲說話面對面講，我都唔想叫呢啲叫侮辱，佢哋冇尊重任何一個係娛樂圈做嘢嘅人，但嗰刻唯有笑住面對，其實嗰刻係好委屈，但始終我係求人俾錢，到最後自己攞哂老本出嚟，我幾廿萬，有幾多都揼哂出嚟，都叫棺材本㗎喇，朋友又攞啲積蓄支持，仲有呢套戲演員收友情價先得。」
Don「哂冷」搏一鋪，結果搏贏咗，他的首部網絡電影《神探茄哩啡》在上月２７日騰訊首播，至今日為止粵語及國語版合共超過４００萬點擊，每點擊大約有一蚊人仔，（Don不肯講實數），但至少有400萬人仔收回，第二套網片亦快上，亦開始籌備第三部，但他自覺得最成功是遇到一班好朋友，他說：「一諗到成班朋友咁幫我，我就諗𣍝己真係冇本事，真心李逸朗有咩本事？音樂、做戲都唔係叻過人，我只係讀書唔成，歌唱比賽入行嘅人，無呢班朋友絕對拍唔成呢套戲，我成日都擺到自己好低。」
在外北漂多年，今次終有少少成績，Don亦自責自己對家人不好，他說：「我一直覺得自己對屋企人唔住，我好細個出嚟做嘢同創業，20歲就離開咗屋企，我個牌頭就係揾夢想，希望有成就，但好多年都冇返去，我一心就諗住去揾錢返嚟照顧屋企，但其實係一個藉口，我只不過想要自由同埋睇下出面個世界，但我包裝到自己係為屋企出去，05年我返屋企，嗰日係我生日，但我最愛嘅嫲嫲就走咗，嗰日我就明白，你可以追求你想要嘅嘢，但係咪代表你可以放棄屋企人呢？係咪要放棄身邊嘅先完成得到？係咪俾得太多藉口自己？所以我覺得好對屋企人唔住。」
阿Don亦自責自己對家人不好，他說：「我一直覺得自己對屋企人唔住，我好細個出嚟做嘢同創業，20歲就離開咗屋企，我個牌頭就係揾夢想，希望有成就，但好多年都冇返去，我一心就諗住去揾錢返嚟照顧屋企，但其實係一個藉口，我只不過想要自由同埋睇下出面個世界，但我包裝到自己係為屋企出去，05年我返屋企，嗰日係我生日，但我最愛嘅嫲嫲就走咗，嗰日我就明白，你可以追求你想要嘅嘢，但係咪代表你可以放棄屋企人呢？係咪要放棄身邊嘅先完成得到？係咪俾得太多藉口自己？所以我覺得好對屋企人唔住。」
今次網劇收得，阿Don話會將收入還返俾人先，而自己亦因為窮過，現在連有錢賺都不敢亂花，他說：「我入行初期成日問人借錢，我好知到窮嘅滋味，我屋企人唔知，我報喜不報憂，咁多年都唔會講𣍝己幾差、幾憂慮，２００９至２０１５我喺北京自己揾機會，我連農曆新年都唔敢返去，因為機票貴。我等工開，驚走咗冇人揾。今次有少少錢賺，但我已經唔敢亂洗，只係搭朋友有七折所以買咗兩對波鞋。」男人老狗，捱過先有味道呀！