金都．專訪│與鄧麗欣拍床戲勁緊張 朱栢康：最驚畀人話鹹豬脷！
「第39屆香港電影金像獎」將於周三（6/5）下午三時在網上公布賽果。入行已20年的朱栢康（朱康），在電影《金都》裏飾演鄧麗欣未婚夫殷俊榮，演活角色難以掩藏的裙腳仔和孩子氣性格，情緒跟語氣拿捏精準，結果成功入圍「最佳男主角」最後五強。結果揭曉前一個多星期，「朱康」與哥哥朱栢謙出席《講畀大東廳》接受主持人游大東訪問，承認今屆「封帝」機會極微：「唔係妄自菲薄，但成日都同啲Friend講，如果今年有實體頒獎禮，我一定會着長跑嘅裝束去，因為我覺得自己係『陪跑』！」他心目中的大熱人選到底是誰？提到導演黃綺琳當初為何會邀請自己埋班，他說對方基於兩個主要考慮，更大膽諷刺說：「事實證明Norris係『錯』嘅！」到底「錯」在哪裏？「朱康」又指，當初在芬蘭拍戲時收到導演短訊通知，說自己將會在《金都》與鄧麗欣（Stephy）飾演情侶，更有不少親密戲，興奮心情難以按捺，「我當晚喺張床上面即刻『多咗嘢做』！」
撰文、主持：游大東
短片：呂榮棟、詹郭敏
剪接：呂榮棟
攝影：葉志明
場地提供：FAM囍公館
游大東服裝提供：O.N.S、kapok
其實這不是「朱康」第一次入圍最佳男主角。
早在「金像獎」公布提名前大半年的某個下午，「朱康」與經理人約好在Café商討公事，傾談間，他突然收到《金都》導演群組傳來一則短訊，指自己將會角逐「金馬影帝」。對，是周潤發、梁朝偉、劉青雲、吳鎮宇等等等等都曾經拿過的「金馬影帝」，大家都沒有聽錯，唯獨「朱康」覺得自己看錯，霎時間接受不了，呆在當場，經理人隨即用手機拍下那個啞口無言的發愣表情，為這個重要時刻留紀錄，他說入圍消息有如一記重擊，縈繞不散。「之後幾個禮拜，我都係間斷咁Keep住呆下呆下！」
也難怪，因為收到這則喜訊前兩個月，「朱康」才感慨自己演藝事業「高不成，低不就」而跟母親訴苦，沒料到轉個頭便變身「飛雲」，奧妙人生，教他手足無措。「呢個消息（出現），反而令我更加唔知點樣消化，你諗下，正正係兩個月之前，甚至一個月之前，你仲仍然覺得嗰個自我存在感係好低嘅時候，突然間發生咗呢件事，你就會開始懷疑，係運嚟㗎？定係我能力真係得？呢種感覺真係好強烈！」
曾奪「劇帝」仍不夠信心 驚訝金馬獎最終得第二
他笑言，有了提名後的最大變化，就是受訪機會稍稍增加，但跟「有足夠自信心」的距離還遠，更甭說「對自己Satisfied（感滿意）」，「我都好想有一刻覺得自己叻，但我實在有太多嘢要學習！」說來奇怪，他在劇場界已備受讚賞，去年更成功憑《拚死為出位》奪得「第28屆香港舞台劇獎」最佳男主角（喜劇／鬧劇），如今他心底裏仍然覺得未夠班，並非因為假謙虛，而是很多藝術家都會擁有這種渴望能夠自我超越的特質，很難三言兩語說清楚，但這種想法，很大程度能夠解釋為何他會自覺「封帝」勝算低。
「朱康」以去年「金馬影帝」投票走勢說明。「我真係覺得自己冇機會（奪獎），但反而出到嚟嘅結果，我係有少少Shocked！其實去到最後，我係（排名）第二，我同陳以文老師（《陽光普照》男主角兼金馬影帝得主）係去到最後邊個攞，佢哋（評審）討論得最激烈，有呢個成績，我都覺得好好。」異鄉失掉「金馬」，「朱康」也直認看淡自己在「金像獎」的得獎機會，更曾打算穿長跑裝束出席頒獎禮自嘲「陪跑」，可惜疫情肆虐，大會取消實體頒獎禮，如今只能當笑話咁講。
得知與Stephy演情侶 朱康勁興奮：喺床上立即「多咗嘢做」！
「我起碼要陪住四個人跑啦！」以一百分計算得獎機會，「朱康」來個賽前分析，「太保（《叔‧叔》）同埋易烊千璽（《少年的你》）都有九十幾。」難到你覺得「自己（贏面）是零？他笑了笑，然後說，「我唔係妄自菲薄，個贏面可能係一，唔係零！」問到最初何以會得到《金都》的演出機會？「朱康」指導演黃綺琳對他說，大概2013年至2014年間，看過他演出盧煒麟（《今晚打喪屍》導演）執導的「鮮浪潮」作品《殺手奏鳴曲》後念念不忘，其後創作《金都》劇本的時候，再次想起他，「同一時間佢睇咗我之前同Rosa（韋羅莎）幫許廷鏗拍嘅《演員的自我修養》MV，就覺得我好適合，因為佢想搵一個有少少喜感嘅演員，但要Flexible嘅，唔係只係識得搞笑，第二就係佢想搵一個冇咁靚仔嘅演員。」說到這裏，「朱康」頓了一頓，似乎不認同導演的見解，「但大家睇我嘅樣都知道Norris錯咗啦，我根本就係一個靚仔！」
靚仔也好，醜佬也罷，介乎兩者之間的「朱康」最終得到這次演出機會，他承認當初收到通知時難掩興奮，「當時喺芬蘭拍緊戲，有一晚收工就收到Norris電話，佢就話『Confirm搵你喇，我Send個劇本畀你睇啦，同埋你個對手係Stephy！』」當時我攤咗喺張床度，佢喺Message度講話搵咗Stephy做（拍檔），我立即喺張床上面『多咗嘢做』！」到底他當時做──甚──麼呢？「朱康」又說，最初看《金都》劇本時非常興奮，但返回香港開會時，就覺得非常緊張，究竟點解？所有答案盡在今集《講畀大東廳》。
點擊下列圖輯，欣賞更多《金都》精美劇照：
下一集在《講畀大東廳》亮相的嘉賓將會是林保怡與周家怡。繼2016年ViuTV開台劇《瑪嘉烈與大衛系列 綠豆》飾演情侶後，相隔四年，他倆再度於ViuTV新劇《歎息橋》合作，身兼監製的Bowie直言，今次「雙怡」再度合體，並非純粹因為彼此有默契，背後其實有更重要考慮，究竟是甚麼？他又提到當初構思《歎息橋》，原來跟《綠豆》有密不可分的關係？
點擊下列圖輯，欣賞更多朱栢謙和朱栢康兩兄弟的專訪照片：
游大東其他文章：
【熟女強人】與胡杏兒演親密戲 朱栢康讚視后有料到：佢會做主動！
【講畀大東廳第三集】MIRROR未紅先Hea激嬲花姐 姜濤竟勸：經理人要理智啲
【講畀大東廳第四集】姜濤被睇死「擺唔耐」 花姐心傷：佢好努力，點解要咁講？