無綫曹思詩出寫真 唔贊成拍AV揾錢:俾屋企人見到都醜怪

撰文:
最後更新日期:

曹思詩就話拍寫真集時,都有知會TVB,對方亦同意拍攝。(黃國立攝)

今午於深水埗舉行嘅Bubble寫真祭除了有首位到日本拍攝AV的麥紫莉外,還有曹思詩及林雅詩宣傳個人寫真集,但她們兩位嘅風頭當然比不上麥紫莉喇。現時係TVB部頭約女藝員嘅曹思詩接受訪問時就話完全唔識麥紫莉,但就知道對方下個月出發到日本拍AV,仲好霸氣咁話,「完全唔知有呢嗰人,佢係拍先算啦。佢去日本都唔知佢係拍MV定AV,你哋記得送佢機!」

曹思詩話係日本街頭收過邀請拍AV,佢見到就一口拒絕,仲話幾多錢都動搖唔到佢!(黃國立攝)

聽曹思詩一番言論好似覺得對方拍AV有吹水成分,她笑言,「又唔好咁講,宣傳技巧啫。我夠可以話自己去LA拍playboy。」她認為對方要認真考慮清楚先好拍,直言其實大把工可以做未必要選擇拍AV,「如果話經濟上有壓力,唔怕辛苦嘅話其實好多工都可以賺錢。我覺得拍出黎,唔好講全世界可能亞洲都有好多人睇到,俾屋企人見到都醜怪。」問到她有無曾收過邀請拍AV?曹思詩直言係日本旅遊時有人派卡片俾佢,「我聽到就一口拒絕左。幾多錢都動搖唔到我。呢樣嘢我希望係同最鍾意嘅人發生,而唔係同全世界share!」

講返今日嘅活動,曹思詩透露自己好早就已經到達會場,仲收到男粉絲送嘅一份禮物,「我拆開之後見到一條女性內褲同絲襪,拎起手就發覺有啲不明液體係上面,好恐怖!我即刻去洗手間洗手兼消毒!」佢透露之後會到書展宣傳寫真集,但服裝就會比較密實,「始終有好多市民同小朋友,服裝方面就會正經少少。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。