【流行經典50年】黃翊準備出發燒唱片:而家出普通碟冇人買

撰文:
最後更新日期:

《流行經典50年》的常客黃翊下集又再出演節目,他笑言今次已經是自己第三次演出,由初時無壓力狀態,到現在居然有點緊張:「因為多人話我唱得好,假若做得唔好自己會擔心。」他直言現在會多擺時間在練歌上,但偶爾生病都會好擔心影響表現。

黃翊第三次出演《流行經典50年》。(陳奕熙攝)

談到之前講過會出碟,黃翊透露已錄了5-6首歌,正與不同唱片公司商討合作形式:「如果資源情況係好就出大碟,而家做緊Hi-fi格式。我冇唱歌20年,原來而家出普通碟冇人買,所以要做Hi-fi碟。」

黃翊坦言今年暑假特別忙,帶唔到仔仔去旅行。(陳奕熙攝)

對於之前和星夢老闆何哲圖(Herman)食飯,他即澄清話:「個次同Herman傾可能會將個節目擺上紅館,佢問我有冇興趣,同佢識成20年,我又冇係呢行發展,都想同佢取下經,啲人見到就以為我會簽星夢,其實唔係。」
 



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。