藝人張崇德今年又有新書出，書名叫《藝人/偽人？》，他解釋因為現在很多人都對藝人有誤解，特別是有基督教信仰，相對要求會特別高，「就好似依家讓座咁，好容易就畀人拎上網批鬥，會話你係『偽人』，所以今次我寫呢本書係想大家明白多啲，對藝人公平一啲。」

自小他就信奉基督教，當中的價值觀很影響他怎麼看待「娛樂圈」，他說：「大家畢業返嚟做歌手，其實都會有影響，會令我唔好睇得自己咁重，謙虛啲，唔好諗得自己咁高高在上，所以我冇特別搞啲新聞出嚟，冇人提你就會慢慢咁沉寂落嚟。」他將信仰放於金錢之前，有時為了幫忙別人，甚至花上很多時間去做義工，工作背後的意義遠遠比那份酬勞來得重要。「我好早公佈結婚，嗰陣唔興結婚話畀人知，因為會冇咗啲Fans，但我唔介意，因為呢樣係開心嘅事。」他多次重申，信仰比世上一切都重要。

「上帝恩典夠我用，祈禱唔係要解決方法，而係令你行得過。我從來都冇質疑過我嘅信仰，反而係越嚟越肯定！生命係一個經歷，最重要係心裡平安，其他嘅問題都只係問題。」聽起來很玄妙，但張崇德的語氣非常堅定，他覺得很多人都太執著自己想要的東西，錯誤地把錢看得太過重要，看通了之後才會發現：「其實搵得錢少，反而活得開心。」