陶大宇柬埔寨登台已安全返港 爆軍人全程保護:去洗手間都喺後面

陶大宇柬埔寨登台已安全返港 爆軍人全程保護:去洗手間都喺後面
撰文:程嵐風
出版:更新:

內地男演員王星早前遭電詐集團以「到泰國從事拍攝工作」為由誘騙到緬甸電詐園區,事件令人心惶惶。昨日(21日)陶大宇和《愛.回家之開心速遞》「王朝」莫家淦獲邀到同樣有詐騙園區的柬埔寨登台,快閃逗留兩日一夜,大宇今日(22日)下午四時許安全返抵香港,爆全程有軍人護送,連去廁所都伴隨左右。

陶大宇今日(22日)安全返港。(影片截圖)
陶大宇今日(22日)安全返港。(影片截圖)
大宇表示酬勞冇特別高。(影片截圖)

陶大宇在當地的夜場表演,一抵步已獲「總統式」招待,有人列隊歡迎送花及房車接送,其間有多名疑似軍人在旁守護。當晚大宇一連唱了多首「飲歌」《倒轉地球》、《愛你一萬年》、《唱這歌》等,雖然語言不通,但無阻「師奶殺手」的魅力,依然好受歡迎,現場逾千觀眾興奮大叫,氣氛熱鬧!

兩位星味十足!(截圖)
陶大宇同莫家淦獲邀到同樣有詐騙園區的柬埔寨登台,一落機已經被包圍。(截圖)
大宇一連唱了多首「飲歌」《倒轉地球》、《愛你一萬年》、《唱這歌》等。(截圖)
台下觀眾都好熱情。(截圖)
落力地唱。(微博截圖)

陶大宇在香港機場接受傳媒訪問,他指當地人並非大家想像般恐佈,他說:「好多朋友問候我,搞到好似好得人驚咁,其實之前我都去過幾次,有朋友喺嗰度做生意,打咗個底。」他指當地人其實好和平和善良,續說:「嗰邊朋友都講,叫我哋同大家講吓,其實呢邊唔係咁得人驚、咁恐怖。係兩個地域、兩個地方,只不過聽到東南亞或者柬埔寨呢個字就敏感咗,其實唔係大家想像中咁,我知嗰邊咩地方,所以完全唔擔心。」

陶大宇當然有唱飲歌《倒轉地球》。(微博截圖)
佢自己都估唔到柬埔寨有人認識佢。(微博截圖)

陶大宇表示自己是透露相熟中介公司聯絡接洽工作,他說:「唔係群組中介,係識得嘅中介,請我哋嘅老闆照顧得我哋好好,有嗰邊保安,啲制服我唔知點分係乜嘢界別保安,但一望就係知軍人,好安全!係咪總統式又唔係,但令你好舒服同好安全,由頭到尾貼心咁照顧你,令你好快樂開心。」有否到不同地方遊覽?他說:「都冇乜,去做嘢同食飯地方,去洗手間啦...去洗手間都會喺你後面(軍人)啦,哈哈。」

陶大宇話係透過相熟中介安排去柬埔寨登台。
連去廁所都有人保護,大宇都話要敬個禮。

外人眼中是甘願冒險,問到酬勞是否特別豐厚?陶大宇說:「一般啦,哈哈,合理價,唔會特別多㗎,大家以為地方咁危險梗係收貴啲啦,哈哈,冇呢回事,如果係危險嘅你畀多多我都唔會去啦,唔關呢啲事,合理價錢。」

雖然冇四圍去玩,但都快閃落車打卡。(截圖)
佢讚當地其實幾和平。(截圖)
大宇話唔係大家想像恐怖。(截圖)

陶大宇亦大讚場館超大和超靚,千人場館全場爆滿,他說:「開心一件事,估唔到柬埔寨人都睇香港電視劇,當然配咗音,好多認得我,我都好詑異,護送我啲軍人都有睇我哋電視劇,都向佢哋敬一敬禮先,好開心,場面幾熱鬧。我都未唱過咁大類似嘅夜場,卡拉OK場,氣氛音響都好好。」

佢讚場館勁大勁靚。(截圖)
被讚譽為「港劇男神」。(截圖)
正在加載