【天鴿風球】吳幸美10號波追風直播 睇住一地招牌：公司有保障
撰文：溫菁莉
出版：更新：
颱風「天鴿」認真威力強大，今日早上終於懸掛10號風球，唔少打工仔都多了一天假期安在家中，個個都放假，唔通個個都放假咩！做藝人就未必有咁好福利喇！好似《東張西望》主持吳幸美咁，今日佢就係Big Big Channel 開live 為晚上播出的《東張西望》做直擊，緊守崗位嘅精神令人敬佩！
吳幸美今日早到深水埗出外景，仲見到有招牌倒塌，要小心呀！
之前市面上熱賣嘅斷片酒，吳幸美亦有親自測試！
吳幸美在直播中透露自己在深水埗拍外景，見到有好多招牌都塌下，佢表示自己同10風球好有緣份，「我媽咪同我講，當年佢係10號風球當晚發現懷孕，即係有咗我。所以都好有緣！」吳幸美其後接受《香港01》訪問時就指自己今次都係首次10號風球出外景，「網民陪住我工作，多謝佢哋嘅支持！以前東張西望都曾經試過風球下工作。」問到公司有無額外保險保障？吳幸美就話，「公司當然有特別保障，所以好安全的！我會繼續在東張西望為大家送上第一手消息！感謝支持！」
其實吳幸美每次採訪真係「勇」字行頭，早前人肉測試斷片酒或睡眠水的畫面，甚至是被「震撼聲音」嚇壞嘅畫面都令網友歷歷在目，今次10號風球佢都要出去做採訪，我覺得TVB年尾頒獎禮真係要頒個獎以作鼓勵！！