【3日2夜】林泳淘被外籍人士索吻:平時我好保守唔係咁㗎! 

撰文:
最後更新日期:

打開電視看到《3日2夜》,除了吸收旅遊資訊,最重要當然是看每一個主持的泳衣照喇!上星期六的那一集,無綫小花林泳淘(Wingto)當然都要三點式上陣,今次她去到澳洲悉尼的新南威爾斯州,除了去一些特別的市集和特色的旅店之外,還去了全球數一數二的海邊泳池,一邊享受陽光,一邊享受海浪。不過澳洲當時已經踏入冬天時份,在寒冷的天氣下還要穿三點式真係專業!

其實都好搶眼吓!(網上圖片)

+9
+8
+7

天氣那麼凍,不會很辛苦嗎?Wingto在接受《香港01》訪問時說:「我去嗰時澳洲得十三度左右,拍泳池嗰日得返七度,所以我其實係無落水嘅,剩係喺泳池側邊度行。但係個泳池其實係提倡游冬泳,所以一年三百六十五日都會開,同埋佢係起喺個海隔離,所以就算係側邊度行,都會被啲海浪整濕,真係超級超級超級(可能好重要要講三次)凍!」咁少布,吹一吹好易病,Wingto表示:「好彩身體都好好,無凍親,拍完之後即刻去更衣室度沖暖水,即刻換返衫。但係其實個過程係ok嘅,因為你見到當地人都游得咁開心,我相信人類係可以適合呢個溫度。」

真係好大浪架!(網上圖片)

除了泳照之後,Wingto在街邊檔掃街的時候曾經被當地人士索吻,會否被嚇親呢?她說:「哈哈,邊有咁容易嚇到我,反而我覺得幾好玩。因為佢哋好熱情,我哋拍緊嘢佢哋都夠膽咁樣做,係幾好笑嘅,亦都令到我哋好似成件事好開心咁樣,所以無論以節目定係我角度嚟緊都ok嘅。但係我平時自己唔係咁㗎,好保守㗎我。」

你睇吓佢幾開心。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。