【TVB 50周年】同女神浸溫泉好葡萄　森美high到有突破性露出？

TVB昨晚做直播節目《TVB 50周年華麗轉身邁步同行》，正式宣布進入台慶月，以及有多個新劇集和綜藝節目出街。其實年年節目編排都是大同小異，不外乎鬥爭劇、又有幾套旅遊節目出街。不過今年的旅遊節目似乎比往年多，除了有鐵膽鄭裕玲與農夫《Do 姐再Shopping》、豪玩出名的杜如風《九州攻略》之外，一向做開《千奇百趣》、《學是學非》的森美都加入當中，有《森美旅行團》，而他今次好幸福，仲可以同高海寧、黃心穎及麥美恩等靚女一齊去旅行。

而節目播出的片段當中，有一幕就見到森美與黃心穎及高海寧在戶外浸溫泉。本來這個環節最吸引、最養眼是心穎BB與高Ling的「魔鬼濕柴」，有白滑肌有事業線；不過森美沒有被喧賓奪主，練得一身超好睇肌肉，43歲依然好charm好有型，他不止晒肌，在宣傳片看到他在溫泉忽然脫掉下身的毛巾，隨即有「禁」字作打格，森美疑似「露械」！而心穎見狀即話：「我唔想睇！」十分好笑。

森美隨即在Facebook都為大家留下懸念，表示想知真定假，就要睇節目。不過網民好理智地分析，他們都覺得似係流料，說：「點會拎出嚟呀？」、「隔住水點睇到呀？」、「世上有肉色內褲嘅！」、「就算有，TVB都幫你Cut咗去喇！」，所以期待森美有突破性露出的Fans，只能說你們「認真便輸了」！