寰亞優酷合拍網劇《蝕日風暴》 警匪追逐估卧底係點擊保證

撰文:
最後更新日期:

張智霖今日喺微博分享咗老婆袁詠儀探班嘅溫馨合照,Chilam扁晒嘴咁話老婆居然探班唔係為咗自己,係為咗見泰國靚女變性人Poyd,原來Chilam嚟緊會同Poyd、台灣型男王陽明、薛凱琪 ​​​​一齊拍劇,見到Chilam有同許紹雄合照,睇嚟今次套劇又會有歡喜哥。本身套劇就叫做《追捕》,後尾就改名做《蝕日風暴》,今次係梁家樹第二次同愛奇藝合拍網劇,對上拍嗰套係《無間道》,套劇Sell係「港味」警匪片,即係應該又係有卧底,一班警匪追逐槍戰,然後又有黑警叛變,但收得人仔拍嘅劇肯定要Happy Ending,最後正義獲勝。

Chilam嚟緊會同Poyd、台灣型男王陽明一齊拍劇。(網上截圖)

+2

一有歡喜哥就知道又係拍警匪片。(網上圖片)

聽講個班底係《雷霆掃毒》、《潛行狙擊》嘅班底,所以個劇名叫《蝕日風暴》一啲都唔意外!其實同類型嘅劇集好似《使徒行者2》咁,年尾先播完,如果下年又播差唔多款嘅警匪片,真係怕觀眾頂唔順。除咗港劇劇名有Formula,好似XX風暴、XX狙擊、XX先鋒,其實「港味」題材都有Formula,警匪、黑社會、槍戰、臥底、黑警、貪污、緝毒,基本上打著「港味」旗號都係離唔開呢幾味,好似之前賣座合拍電影《寒戰》、《毒戰》、《竊聽風雲》都係講呢啲,你問悶唔悶?其實橋唔怕舊,最緊要受,好似依家《使徒行者2》咁大家雖然把口就嫌,但口裡說不身體卻很誠實,無論題材拍到有幾爛,依然係收視保證。

《使徒行者2》雖然又係估卧底,但觀眾又睇得好開心。(網上圖片)

網上流傳嘅劇集簡介:
+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。