陳國邦5歲女出唱片 羅敏莊最想留住乖女靚聲:係好美好回憶

撰文:鄺鈺瑩
出版:更新:
拍攝當日,陳禛表現十分淡定。

羅敏莊同陳國邦嘅愛女陳禛(JAN JAN)雖然只得5歲,但甚有表演天份,平時只要興之所致,必定毫不吝嗇又唱又跳。為幫愛女留下美好回憶,羅敏莊同陳國邦早前特意找來唱片公司老闆為JAN JAN錄製聖誕雜錦歌,並邀請攝影師好友操刀為女兒拍攝新碟宣傳照,製作十分認真。

精力十足的陳禛,同爸爸媽媽一齊開工,影足大半日都毫無倦意。

陳國邦表示:「呢個係一個美好回憶,尤其我哋都係藝人,要做呢件事好易,好似依家咁,有成隊人去拍我哋,出嚟效果會好靚好放心,對我哋嚟講,都係想為女留好特別回憶。」MiMi亦直指不捨得女兒大得這麼快:「阿女把聲成日都唔同,我老公就成日催我快啲幫個女錄歌,因為再大啲錄把聲又會再轉,真係好想留低佢咁得意把聲,會係我哋好美好嘅回憶。」

五歲小朋友已經識得擺標準港女甫士。

對於愛女表現,MiMi同陳國邦都給予一百分,不過,MiMi就透露錄音時由於需要重複又重複,所以陳禛都試過嗌悶同攰,而陳國邦亦有同樣感受:「做戲重複又重複冇問題,但唱歌真係唔得。」看來兩父女都需要好好訓練耐性。
 

+1