【開心速遞】池子孝熊心如戲假情真? 聖誕放閃跳「手指情侶舞」

撰文:
最後更新日期:

池子孝同熊心如真係好sweet。(Instagram圖片)

《開心速遞》作為無綫處境劇一直以來都受到香港市民歡迎。劇情偏向生活化,而沒有《誇世代》、《溏心風暴3》等劇的峰迴路轉以及愛恨情仇,但是小品愛情卻嬴盡口碑吸引到一家大細收看。早前收視更反超前大製作《溏心風暴3》。

連影相都係情侶照,仲要一人影一張添。(Instagram圖片)

《開心速遞》主打愛情小品。細心啲睇,其實有不少劇中情侶都十分登對。送水輝(許家傑)和暗戀他的大小姐(林淑敏)、熊心如(紅衫魚)(蘇韻姿)和池子孝(阮政峰)、Bonnie(林凱恩)和安仔(周嘉洛)這幾對都十分之甜蜜。適逢聖誕佳節,熊心如(紅衫魚)和池子孝更加在這個戀愛氣氛濃厚的節日在Instagram上大放閃光彈跳「情侶手指舞」,池子孝仲錫咗紅衫魚面珠一吓添,又合拍又sweet真係閃死不少單身人士。不少網民睇完之後仲反問:「2人現實係咪男女朋友?」

咁到底2人係咪戲假情真呢?

+10
+9
+8

池子孝和熊心如接受《香港01》訪問,池子孝:「咪估下囉大家。」(熊心如妳覺得佢點?)熊心如:「政峰定子孝?子孝就好多時講好多大話嘅,政峰就好nice,對所有人都好好。」池子孝說:「我唔係對所有人都好㗎,我睇人嘅。」熊心如:「多謝喎,哈哈。」(咁聖誕節你哋會點慶祝?)池子孝:「聖誕節我哋就應該係一齊過嘅,我同妳。」熊心如:「係吖,絕對係。」池子孝:「仲有成家人,我哋聖誕節都係開工,所以成個熊家都喺晒度,所以聖誕節我哋會一齊食聖誕大餐。」就連劇組其他演員都說他們「好襯」,希望真係如大家所望啦。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。