朱晨麗同緋聞男友何廣沛齊搵真銀：何樂而不為呢？

踏入2018年，睇嚟TVB即將有多一個緋聞情侶檔出活動，佢地就係朱晨麗同何廣沛。去年10月就被影到係科大疑似拍拖兼互餵蛋糕，他們其後當然例牌否認戀情，只用「好朋友」來稱呼大家。當中不少客戶亦睇中呢一點，紛紛邀請他們出現活動。朱晨麗同何廣沛今午再以「情侶檔」出席活動，仲齊齊穿上黑色情侶裝，話無夾過都無人信！朱晨麗就話，「如果係情侶檔組合，價錢係高啲嘅話，不妨接多啲!」

Morning 朱笑言今次已經係第二次同何廣沛出席活動，記者之後提到又以情侶檔上陣搵真銀，佢笑說，「咁同場都有其他人，咁樣又可以宣傳下套劇，宣傳下自己，仲要有得搵錢，何樂而不為呢？」Morning 朱都講得啱嘅，無論對於客戶定藝人，都係win win雙贏！

而緋聞男友何廣沛都話唔介意同Morning 朱「緋聞情侶」檔齊齊搵真銀，「始終客戶都係睇中我地係螢幕上做情侶嘅形象，多d咁嘅機會揾錢，都係好事！」他特別提到好多時候演員之間拍完一套劇之後就會好少見面，「係呢啲情況下見返面，感覺係開心。大家出嚟呵呵哈哈影下相食下嘢，始終我地24小時匿係廠拍劇好dry，出嚟呼吸下新鮮空氣都係好事。」