朱晨麗重提頒獎台上獲何廣沛送花：我覺得ok！都幾sweet㗎

朱晨麗爆早前在《萬千星輝頒獎典禮2017》爆冷得到「最佳女配角」！連佢自己好愕然！冷靜過後，今日接受《香港01》訪問時，她說：「其實由選港姐開始到而家，我都係第二次喺公司攞獎，港姐冠軍嗰陣有媽咪陪伴。今次就無咁好，即係有少少遺憾，媽咪返咗去（內地），得我自己一個，攞咗獎屋企人都唔知知唔知，希望佢哋可以透過網絡早啲知道件事喇，等我哋可以一齊慶祝吓。講返呢個獎，自己都好驚訝，無諗過自己可以拎到呢個獎，無論我資歷定輩份，都可能仲爭少少，未去到呢個等級。我都好感恩公司俾呢個機會我，所以我之後都會更加努力，做好自己，希望觀眾可以睇到更好嘅我。」媽咪不在自己身邊，但其實還有很多人在朱朱身邊支持她。

講緊嘅就是在台上跟她相擁的緋聞男友何廣沛，當時何廣沛在台上拿著一支鮮花，如果將獎座變成戒子就變成求婚了，對於這個十分有趣的頒獎儀式，朱朱表示：「我無諗過有呢個安排，因為我根本唔覺得自己會上到台，突然嗌我名仲要係佢頒俾我，吓？咁嘅？佢之後同我講啲花係喺人地手中搶返嚟送俾我，我覺得ok喎，都有少少急材，都幾sweet。我諗佢都無諗過我會拎呢個獎，當人哋問佢如果我攞唔到咁點，佢話如果我攞唔到就俾佢自己個獎我，嘩！之後聽啲朋友或者網友講話呢啲說話都幾sweet，佢都幾聰明。其實戲入面嘅小冬就係咁，佢將戲入面嘅角色帶咗出嚟，我就變返二小姐，不過現實就現實喇，我都即刻要抽離返。我都buy男仔細心同sweet，不過而家唔諗發展喇，都係同事，希望再有機會拍檔，佢好勤力好俾心機，拍拖就以後再諗喇，拍劇都未搞掂！」每次談到戀情都總是說專心事業，個個都咁答，真係有啲悶！